બોલિવૂડના દિગ્ગજ એક્ટર જેકી શ્રોફની દીકરી કૃષ્ણા શ્રોફ ભલે મોટા પડદાથી દૂર છે, પણ તે કોઈને કોઈ કારણથી હમેશાં ચર્ચામાં રહે છે. તે સોશિયલ મીડિયા પર તેની તસવીરો અને વીડિયોની સાથે સાથે તેની પર્સનલ લાઇફને લઈને પણ સતત ચર્ચામાં રહે છે. હાલમાં જ તેનું તેના બોયફ્રેન્ડ બાસ્કેટબોલ પ્લેયર એબન હાયમ્સની સાથે બ્રેકઅપ થયું છે. કૃષ્ણા અને એબન એકબીજાથી અલગ થઈ ગયા છે. જોકે, બનેનાં બ્રેકઅપનું કારણ હજુ સુધી સામે આવ્યું નથી. હવે કૃષ્ણાએ હાલમાં જ એક પોસ્ટ શેર કરી છે, જેમાં તે એક શખ્સને કિસ કરતા જોવા મળી રહી છે અને કૃષ્ણાની આ પોસ્ટ પર તેના એક્સ બોયફ્રેન્ડ એબને કમેન્ટ કરી છે.
બ્રેકઅપ બાદ કૃષ્ણા શ્રોફે તેના ઇન્સ્ટાગ્રામ એકાઉન્ટ પર એક રોમેન્ટિક તસવીર શેર કરી છે. જે બાદ સોશિયલ મીડિયા પર તે ખૂબ વાયરલ થઈ રહી છે. આ તસવીરમાં કૃષ્ણા એક યુવકને કિસ કરતા જોવા મળી રહી છે. આ તસવીર શેર કરતાં કૃષ્ણાએ લખ્યું છે-આ બેબીનો ટાઇમ છે. કૃષ્ણા શ્રોફની આ પોસ્ટ જોઈ એક્સ બોયફ્રેન્ડ એબન હાયમ્સ પોતાની જતને રોકી શક્યો નહીં અને તેણે તસવીર પર કમેન્ટ કરી છે કે, તુ બહુ જલ્દી મૂવ ઓન નથી કરી ગઈ.
કૃષ્ણાએ જે વ્યક્તિની સાથે તસવીર શેર કરી છે જેનું નામ Nusret Gokce છે. તસવીરમાં કૃષ્ણા તેના ગાલ પર કિસ કરતી જોવા મળી રહી છે અને તેની સાથે સેલ્ફી લઈ રહી છે. Nusret એક ટર્કિશ શેફ છે અને તેનું રેસ્ટોરન્ટ પણ છે. આ પહેલાં Nusretએ કૃષ્ણાના ભાઇ ટાઇગર શ્રોફની સાથે તેની ઈન્સ્ટાગ્રામ સ્ટોરીમાં એક ફોટો શેર કર્યો હતો. આ તસવીર શેર કરતાં તેણે 'ભાઇ' લખ્યું હતું.
તમને જણાવી દઇએ કે, આ વર્ષે નવેમ્બર મહિનામાં જ કૃષ્ણા અને એબન એકબીજાથી અલગ થયા છે. જોકે, હજી સુધી તેમના બ્રેકઅપનું કારણ સામે આવ્યું નથી. કૃષ્ણાએ તેના ઈન્સ્ટાગ્રામ એકાઉન્ટ પરથી એબનની તમામ તસવીરો હટાવી દીધી છે. આ સાથે જ તેણે તેના ફેન્સને અપીલ કરી હતી કે, કોઇપણ તેને એબનની સાથે તસવીરોમાં ટેગ ન કરે.