વાયરલ / VIDEO : વાઘની તાકાત તો જુઓ! દાંત વડે પ્રવાસીઓથી ભરેલી આખી ગાડી ખેંચીને લઈ ગયો, પછી જે થયું તે તો મજાનું

• કર્ણાટકના બાન્નેરઘટ્ટા નેશનલ પાર્કની અજાયબ ઘટના
• વાઘે દાંતથી ગાડી ખેંચી દેખાડી
• ઘણા મીટર સુધી વાઘ ગાડીને ખેંચતો જોવા મળ્યો

જંગલી પ્રાણીઓમાં સિંહ પછી તાકાતવર ગણાતું બીજા નંબરનું પ્રાણી વાઘની એક અજાયબભરી હરકતનો વીડિયો વાયરલ થયો છે. વાઘ કેટલો શક્તિશાળી છે તે આ વીડિયો પરથી જોઈ શકાય છે. ઉદ્યોગપતિ આનંદ મહિન્દ્રાએ ટ્વિટર પર શેર કરેલા વીડિયોમાં જોઈ શકાતું હતું કે એક વાઘ ફક્ત તેના કરડી ખાવાના દાંત વડે પ્રવાસીઓથી ભરેલી આખી SUV કાર ખેંચીને ઘણા મીટર સુધી લઈ ગયો હતો. બીજા વાહનમાં રહેલા પ્રવાસીઓએ આ ઘટનાનો જોરજોરથી ચીચીયારીઓ પાડીને વધાવી લીધી હતી. 

Going around #Signal like wildfire. Apparently on the Ooty to Mysore Road near Theppakadu. Well, that car is a Xylo, so I guess I’m not surprised he’s chewing on it. He probably shares my view that Mahindra cars are Deeeliciousss. 😊 pic.twitter.com/A2w7162oVU

— anand mahindra (@anandmahindra) December 30, 2021

કર્ણાટકના બાન્નેરઘટ્ટા નેશનલ પાર્કમાં પ્રવાસીઓની SUV કાર ખોટકાણી 

 વાઘ જોવા આવેલા પ્રવાસીઓની બે SUV કારમાંથી એક કાર બાન્નેરઘટ્ટા નેશનલ પાર્કમાં ખોટવાઈ હતી, જંગલ વચ્ચે ગાડીને બંધ પડેલી જોઈને પ્રવાસીઓ પણ મૂંઝાણા હતા કે હવે શું કરવું તેઓ ગાડીમાંથી નીચે ઉતરવા જતા હતા ત્યાંતો એક અણધારી ઘટના બની અને તેમને જોવાની મજા પડી. 

કારને બંધ પડેલી જોઈને કુતુલહલવશ વાઘ આવ્યો અને દાંતથી ખેંચવા લાગ્યો 
કારને બંધ પડેલી જોઈને કુતુલહલવશ એક વાઘ ત્યાં આવી ચડ્યો હતો અને દાંત વડે કારના પાછળના બંપર પકડીને તેને ખેંચવાનું શરુ કર્યું હતું પહેલા તો વાઘને સફળતા ન મળી પરંતુ આખરે તેની મહેનત રંગ લાવી અને વાઘે કારની ઘણા મીટર સુધી ઘસડીને લઈ ગયો હતો, હાજર રહેલા પ્રવાસીઓએ આ જોઈને ચિચિયારીઓ પાડી ઉઠ્યાં હતા અને ઘટનાને વધાવી લીધી હતી કેટલાક તો આ ઘટનાને કેમેરામાં કંડારવા લાગ્યા હતા.

4 લાખ લોકોએ વીડિયો જોયો

વીડિયો વાયરલ થયા બાદ અત્યાર સુધી 4 લાખ કરતા પણ વધારે લોકોએ જોયો છે. લોકો પણ જાતજાતની પ્રતિક્રિયાઓ આપી છે. એક યૂઝરે કોમેન્ટ કરતા લખ્યું કે હવે હોર્સ પાવર નહીં પણ ટાઈગર પાવર એવું કહેવું જોઈએ.