સોશ્યલ મિડીયા પર રોજ હજારો જાતના વીડિયો આવતા રહે છે પરંતુ આ ઘટના જાણીને તમને હસવુ ચોક્કસથી આવશે.
ફુગ્ગા સાથે શ્વાનને ઉડાડ્યો
શખ્સ અને તેની માતા સામે ફરિયાદ
વીડિયો થયો સોશ્યલ મિડીયા પર વાયરલ
વધારે વ્યૂઝના ચક્કરમાં લોકો ગમે તેવુ કન્ટેન્ટ સોશ્યલ મિડીયા પર નાંખતા હોય છે અને પછી કેટલીક વાર તે કન્ટેન્ટ માથાનો દુઃખાવો બની જાય અને જે તે વ્યક્તિ માટે નીચાજોણુ પણ થાયછે.
હાલમાં જ એક યુટ્યુબર ગૌરવ જૉન નામના શખ્સે પોતાના શ્વાનને હાઇડ્રોજનના ફુગ્ગા સાથે બાંધીને ઉડાડ્યો હતો. જે બાદ સંપૂર્ણ ઘટનાનો વીડિયો પણ તેણે શૅર કર્યો હતો. બાદમાં આ મામલો પોલીસ પાસે પહોંચતા તેની ધરપકડ કરી લેવામાં આવી હતી.
આ પ્રકારના વીડિયોને લઇને તેની એવી માનસિકતા હોઇ શકે કે તે અન્ય લોકો કરતા અલગ કન્ટેન્ટ આપી રહ્યો છે અને પોતાના આ વીડિયોને લાખો વ્યૂઝ મળશે સાથે જ જનતા પસંદ પણ કરશે. એવું કંઇ થયુ નહી અને આ ઘટનાની જાણકારી PFA સંસ્થાને થઇ ત્યારે ગૌરવ પર એનિમલ એક્ટ હેઠળ કેસ નોંધવામાં આવ્યો અને આ વીડિયો તેને ભારે પડ્યો હતો.
નોંધનીય છે કે, ગૌરવ અને તેની માતા પર ધારા 188, 269, 34 હેઠળ કેસ નોંધવામાં આવ્યો છે અને આ મામલો આગળ વધ્યો ત્યારે તેણે વીડિયો ડિલીટ કરી દીધો હતો.