IPLIN
 

ચીન / ટેકઓફ દરમિયાન ભડકે બળ્યું વિમાન, 100 થી વધારે મુસાફરોનાં જીવ ચોંટયા તાળવે, 25 ઘાયલ, જુઓ ભયાનક દુર્ઘટનાનો VIDEO

Team VTV 10:04 AM, 12 May 22 | Updated: 10:10 AM, 12 May 22
Follow us
tibet Airlines jet overruns runway in china catches fire 100 rescued 25 injured

ચીનના ચોંગકિંગ એરપોર્ટ પર તિબેટ એરલાઈન્સના વિમાનમાં આગની ઘટના બનતા હડકંપ મચી જવા પામ્યો હતો. ફ્લાઇટમાં હાજર 100 થી વધારે લોકોને બચાવી લેવાયા હતા પરંતુ 25 જેટલા યાત્રીઓ ઘાયલ થયા હતા.

  • ચીનના ચોંગકિંગ એરપોર્ટ પર બની દુર્ઘટના 
  • પ્લેન રન વે પરથી ઉતરી જતાં લાગી આગ 
  • મહામહેનતે 100 થી વધારે મુસાફરો બચાવી લેવાયા 

તિબેટ એરલાઈન્સના વિમાનમાં આગ

ચીનના ચોંગકિંગ એરપોર્ટ પર ગુરુવારે સવારે તિબેટ એરલાઈન્સના વિમાનમાં આગ લાગી હતી. 
સરકારી મીડિયાએ જણાવ્યા અનુસાર આ ઘટનામાં કેટલાક મુસાફરો ઘાયલ પણ થયા છે. સરકારી બ્રોડકસ્ટર્સ સીસીટીવીમાં દેખાય છે કે ચોંગકિંગથી લ્હાસાની ફ્લાઈટમાં ચોંગકિંગ જિયાંગબેઈ ઈન્ટરનેશનલ એરપોર્ટ પર આગ લાગી હતી.

113 મુસાફરો અને 9 ક્રૂ મેમ્બર્સને સુરક્ષિત રીતે બહાર કઢાયા 

એક સમાચાર સંસ્થાએ એરલાઈન્સને ટાંકીને કહ્યું હતું કે તમામ 113 મુસાફરો અને 9 ક્રૂ મેમ્બર્સને સુરક્ષિત રીતે બહાર કાઢવામાં આવ્યા છે. જેઓને નાની-મોટી ઈજાઓ થઈ છે તેમને હોસ્પિટલમાં લઈ જવામાં આવ્યા છે. સોશિયલ મીડિયા પર શેર કરવામાં આવેલા વીડિયોમાં સ્પષ્ટ જોઈ શકાય છે કે રનવે પર ઉભેલા એરક્રાફ્ટમાં આગ લાગ્યા બાદ આકાશમાં ઝડપથી ધુમાડો નીકળી રહ્યો છે. 

CCTC નો VIDEO થયો વાયરલ 

વિડિયોમાં સ્પષ્ટ રીતે જોવા મળી રહ્યું છે કે ફાયર બ્રિગેડ દ્વારા પ્લેન પર પાણી રેડવામાં આવી રહ્યું છે અને આગ ઓલવવાના પ્રયાસો કરવામાં આવી રહ્યા છે.

એરલાઈન્સે કહ્યું કે જ્યારે પ્લેન દક્ષિણ પશ્ચિમ શહેર ચોંગકિંગથી તિબેટના ન્યાંગચી જઈ રહ્યું હતું ત્યારે ક્રૂ મેમ્બર્સને શંકા ગઈ અને તેમણે પ્લેનને ટેકઓફ કરતા અટકાવ્યું. આ પછી રનવે પર પ્લેનમાં આગની જ્વાળાઓ દેખાઈ હતી. તિબેટ એરલાઈન્સે એક નિવેદન જાહેર કરીને કહ્યું હતું કે: તમામ મુસાફરો અને ક્રૂ મેમ્બર્સને સુરક્ષિત રીતે બહાર કાઢવામાં આવ્યા છે. ઈજાગ્રસ્ત મુસાફરોને સામાન્ય ઈજાઓ થઈ હતી અને તેમને સારવાર માટે હોસ્પિટલમાં ખસેડવામાં આવ્યા છે.

fire in Tibet Airlines Jet Gujarati News ગુજરાતી ન્યૂઝ plane on fire China
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ