દેશની સૌથી મોટી ખાનગી ટેસ્ટિંગ લેબ્સમાં એક થાયરોકેરના મેનેજિંગ ડિરેક્ટર વેલુમનીએ કોરોના વાયરસ ટેસ્ટિંગમાં હેરફેરનો ખુલાસો કર્યો છે. તેમનો આરોપ છે કે કેટલાક જિલ્લામાં સરકારી અધિકારી કોરોના ટેસ્ટિંગને સીધી રીતે કન્ટ્રોલ કરવાનો પ્રયાસ કરી રહ્યા છે. જેથી તે પોતાના જિલ્લામાં સારી તસ્વીર રજુ કરી શકે.
મહારાષ્ટ્ર અને ગુજરાતમાં કેટલીક જગ્યાએ સમસ્યા આવી રહી છે
આ ધ્યાન રાખીશું તો બીજી લહેરને રોકી શકાશે
અનેક જિલ્લાઓના સેમ્પલ ન લેવા કહેવામાં આવ્યું
મીડિયાના અહેવાલ મૂજબ વેલુમનીએ જણાવ્યું કે ટેસ્ટિંગને હવે તમામ માટે ખોલી દેવામાં આવ્યું છે. સરકાર જિલ્લા સ્તરે પ્રાઈવેટ સેન્ટરોને નિયંત્રિત કરી રહી છે. હવે આ પહેલા કરતા પણ વધારે થઈ રહ્યું છે. અમને અલગ અલગ રાજ્યોમાંના અનેક જિલ્લાઓના સેમ્પલ ન લેવા કહેવામાં આવ્યું છે અને દાવો કરવામાં આવ્યો છે કે અમે જૂઠો પોઝિટિવ રિપોર્ટ આપી રહ્યા છીએ.
ઉલ્લેખનીય છે કે થાયરોકેર દેશની 5 સૌથી મોટા ટેસ્ટિંગ સેન્ટર્સમાંનું એક છે. આ લેબના યુનિટ મહારાષ્ટ્ર, કર્ણાટક, તમિલનાડુ, બિહાર, પશ્ચિમ બંગાળ, જમ્મુ કાશ્મીર, ઝારખંડ, ઉત્તર પ્રદેશ, દિલ્હી અને ઉત્તરાખંડ કોરોના દર્દીઓના સેમ્પલ એકઠા કરવામાં લાગી છે. વેલુમનીએ જણાવ્યું કે રોજના 100 જિલ્લામાં 2 હજાર સેમ્પલ ઓછા કરી દેવામાં આવે છે. આ પાછળ ઈરાદો એવો છે કે આ જિલ્લાને પોઝિટિવ ન દર્શાવવામાં આવે. ભેગા કરેલા સેમ્પલમાંથી 30 ટકાને આ સમસ્યા નડી રહી છે.
બીજી તરફ ટેસ્ટિંગ લેબના મેટ્રોપોલિસ હેલ્થકેરના એમડી અમીરા શાહે કહ્યું કે મહામારીમાં ટેસ્ટિંગ વધારવા પર ભાર મુકવામાં આવ્યો છે. જેટલું અમારાથી થઈ શકે અમે ટેસ્ટિંગ કરીશું, દર્દીઓનું ધ્યાન રાખીશું તો બીજી લહેરને રોકી શકાશે. જે ઓક્ટોબર અને ડિસેમ્બરની વચ્ચે આવવાની શક્યતા છે.
એક અન્ય લેબે પણ કહ્યું કે અમે પણ વેલુમની દ્વારા કહેવામાં આવેલી સમસ્યાનો સામનો કરી રહ્યા છીએ. મહારાષ્ટ્ર અને ગુજરાતમાં કેટલીક જગ્યાએ સમસ્યા આવી રહી છે.