ગુજરાતમાં આગામી બે દિવસ માટે માવઠાની આગાહી કરવામાં આવી છે તથા અમદાવાદ આસપાસના વિસ્તારોમાં બફારો અનુભવાશે.
ગુજરાતમાં બે દિવસ કમોસમી વરસાદની આગાહી
સૌરાષ્ટ્ર અને દક્ષિણ ગુજરાતમાં પડશે હળવો વરસાદ
કમોસમી વરસાદના કારણે ખેડૂતોની ચિંતા વધી
આગામી બે દિવસ કમોસમી વરસાદની આગાહી
ગુજરાતમાં થોડા દિવસ પહેલા જ વાવાઝોડું ત્રાટક્યું હતું જેના કારણે રાજ્યમાં સૌરાષ્ટ્ર અને મધ્ય ગુજરાતમાં ભારે વરસાદ પડ્યો હતો. જે બાદ હવે હવામાન ખાતા દ્વારા આગામી બે દિવસ માટે ફરીથી વરસાદની આગાહી કરવામાં આવી છે.
સૌરાષ્ટ્ર અને દક્ષિણ ગુજરાતમાં હળવા વરસાદની આગાહી
ગુજરાતના સૌરાષ્ટ્ર અને દક્ષિણ ગુજરાતમાં હળવા વરસાદની આગાહી કરવામાં આવી છે. આ સાથે જ અમદાવાદ,વડોદરા,ગાંધીનગર,ખેડા સહિતના વિસ્તારોમાં બફારો અનુભવાશે. થન્ડર સ્ટોર્મની અસરને પગલે કમોસમી વરસાદની આગાહી કરવામાં આવી છે. દક્ષિણ ગુજરાત તથા સૌરાષ્ટ્રમાં વાદળછાયું વાતાવરણ જોવા મળશે. બે દિવસ વરસાદ બાદ ગુજરાતના મોટા ભાગના વિસ્તારોમાં કાળઝાળ ગરમીનો એહસાસ થશે.
બે દિવસ બાદ કાળઝાળ ગરમીનો લોકોએ કરવો પડશે અહેસાસ
નોંધનીય છે કે વાવાઝોડાના કારણે ભારે વરસાદના કારણે ખેડૂતોને ખૂબ જ નુકસાન થયું છે. આંબા સહિત બાગાયતી ખેતી કરતાં ખેડૂતોને કરોડોનું નુકસાન થયું હતુ ત્યારે ફરીથી કમોસમી વરસાદની આગાહીના કારણે ખેડૂતોની ચિંતામાં વધારો થયો છે.