દેશના તબીબોએ ફરી એક વખત અજેય સિદ્ધી પ્રાપ્ત કરી છે. દિલ્હીની આકાશ હોસ્પિટલના તબીબોની ટીમે 22 કલાક બાદ એક શખ્સના કપાઈ ગયેલા અંગૂઠાને ફરીથી જોડીને અશક્યને શક્ય કરી બતાવ્યું છે.
દેશના તબીબોએ ફરી એક વખત અજેય સિદ્ધી પ્રાપ્ત કરી
દુબઈમાં કામ કરતા શખ્સનો કપાયો હતો અંગૂઠો
દિલ્હીના તબીબે કપાયેલો અંગૂઠો 3.50 લાખમાં જોડ્યો
ખરેખર, દુબઈમાં કામ કરનારા સંદીપ કુમાર પોતાનો કપાઈ ગયેલો અંગૂઠો લઇને દુબઈથી દિલ્હી આવ્યાં અને આ દરમ્યાન તેમનું 300 ml લોહી વહી ચૂક્યુ હતુ. તેમ છતાં પણ તબીબોએ ચમત્કાર કરી બતાવ્યો.
તબીબોએ કર્યો ચમત્કાર
રાજસ્થાનમાં રહેતા સંદીપ કુમાર સારી નોકરી માટે દુબઈ ગયા હતા. જ્યાં તેઓ કાર્પેન્ટરનું કામ કરતા હતા. કામ કરતી વખતે અચાનક તેમનો અંગૂઠો હાથથી અલગ થયો હતો. તેના નજીકના સાથી મિત્રોએ તાત્કાલિક સંદીપને નજીકની હોસ્પિટલમાં દાખલ કર્યો. તબીબોએ સલાહ આપી કે અંગૂઠાને જોડવા માટે 4 કલાકની અંદર સર્જરી કરવી પડશે અને તેમાં લગભગ 24 લાખનો ખર્ચ આવશે. આટલી મોંઘી સારવાર સંદીપ માટે અશક્ય હતી. ત્યારબાદ સંદીપના પરિવારજનોએ ભારતમાં ઓપરેશન કરાવવાનો નિર્ણય લીધો. પરંતુ અહીં આ સર્જરીનો ખર્ચ 3 લાખ 65 હજાર રૂપિયા આવ્યો.
દર્દીનો અંગૂઠો ફરીથી જોડ્યો
18 કલાક બાદ સંદીપ દિલ્હીની આકાશ હોસ્પિટલ પહોંચ્યાં. જ્યાં તબીબોની એક ટીમ સંદીપની સારવાર માટે સંપૂર્ણ રીતે તૈયાર હતી. 6 ડૉકટરોની એક ટીમે સંદીપનું ઓપરેશન શરૂ કર્યુ અને અંગૂઠાને ફરીથી જોડી દીધો. ડૉકટર આશીષ ચૌધરીએ જણાવ્યું કે અંગૂઠો આપણી હથેળીનો સૌથી મહત્વનો ભાગ હોય છે. 45 ટકા તેનો ઉપયોગ થાય છે. તેમણે જણાવ્યું કે લોહી વહી જવાના કારણે અને દર્દી મોડો પહોંચ્યો હોવાના કારણે આ સર્જરી ખૂબ મુશ્કેલ હતી. આવા કેસો ખૂબ જૂજ પ્રમાણમાં આવે છે.
22 કલાક બાદ ડૉકટરે જોડ્યો અંગૂઠો
ડૉકટર આશીષ ચૌધરીએ જણાવ્યું કે આ પ્રકારની સર્જરી ખૂબ પડકારજનક હોય છે. કારણકે આ સર્જરી કરવામાં નાના-નાના ઈન્સ્ટ્રુમેન્ટનો ઉપયોગ થાય છે. અંગૂઠાની કપાયેલી ધમનિઓ વચ્ચેના આગળના હાથમાંથી નસના એક ભાગને કાપવાનો હતો. આખી પ્રક્રિયા માઈક્રોસ્કોપની મદદથી કરવામાં આવી છે. ડૉકટરે વધુમાં જણાવ્યું કે 6 તબીબોની ટીમે સતત 6 કલાક સુધી ઓપરેશન કરી સફળતા પ્રાપ્ત કરી છે.