બદલાતી સીઝનની અસર દરેકના સ્વાસ્થ્ય પર પડે છે. સીઝન બદલાતા ગળામાં ખારાશ અથવા અવાજ બેસી જવો, ગળું પકડાઈ જવું, ગળામાં દુખાવા જેવી સમસ્યા તરત જ થઈ જાય છે. જેના કારણે ઘણીવાર ગળામાં ખુજલી, ગળામાં કફ જાણી જવો અને અવાજ બદલાઈ જવો જેવી સમસ્યા પણ થાય છે. તેના માટે આજે અમે તમને એવા બેસ્ટ ઘરેલૂ ઉપાય જણાવવાના છીએ તે તમારી આ સમસ્યાઓને તરત જ દૂર કરી દેશે.
બદલાતી સીઝનમાં થતી તકલીફો માટે બેસ્ટ ઉપાય
ગળામાં ખારાશ અથવા અવાજ બેસી જવો, ગળું પકડાઈ જવું જેવી સમસ્યા થશે દૂર
ઘરેલૂ દેશી દવાઓ ખાઓ
મીઠું
મીઠામાં એન્ટીબેક્ટેરિયલ ગુણ હોય છે. જેથી તે કફ અને ઈન્ફેક્શનને દૂર કરવા અને ગળામાં દુખાવો અને ખારાશને મટાડવામાં ગજબ અસર કરે છે. રોજ 2-3 વાર 1 ગ્લાસ ગરમ પાણીમાં 1 ચમચી મીઠું નાખીને તેનાથી કોગળા કરવાથી તરત જ ફાયદો થાય છે.
મધ
ગળા માટે મધ રામબાણની જેમ કામ કરે છે. ગળામાં ખારાશ અથવા ખાંસી થવા પર 1 કપ ગરમ પાણીમાં 1 ચમચી આદુનો રસ, 1 ચમચી મધ મિક્સ કરીને પીવો. આનાથી ગળામાં સોજો, ખારાશ, દુખાવો, ખાંસીમાં તરત જ આરામ મળે છે.
હળદર
બદલાતી સીઝનમાં બીમારીઓ સામે લડવા માટે હળદર ખૂબ જ કારગર છે. શરદી, ખાંસી, કફ અને ગળા સંબંધી સમસ્યાઓમાં હળદર બેસ્ટ છે. તેના માટે રોજ ગરમ દૂધમાં અડધી ચમચી હળદર નાખીને પીવો. હળદરમાં રહેલું કર્ક્યુમિન અને એન્ટીબેક્ટેરિયલ તત્વ આ સમસ્યાનો ખાતમો કરી દે છે.
હર્બલ ટી
ગળામાં પરેશાની થવા પર હર્બલ ટી બનાવીને પીવાથી તરત આરામ મળે છે. તેના માટે 1 કપ પાણીમાં બે ચપટી તજ પાઉડર, 5 તુલસીના પાન અને એક નાનો આદુનો કટકો છીણીને નાખી ઉકાળો અને ગાળીને તેમાં મધ મિક્સ કરીને દિવસમાં 2વાર પીવો. આનાથી સીઝનલ બધી જ સમસ્યામાં આરામ મળશે.