રાજસ્થાનમાં રહેતા અને ટ્રક ચલાવીને પોતાનું ગુજરાન ચલાવતા સુરેશ યોગીએ વટવા જીઆઈડીમાં લૂંટની ફરિયાદ કરી છે. બે દિવસ પહેલાં રાતે સુરેશભાઈ એસ.પી.રિંગ રોડ પર આવેલ શ્રી નાથજી ઢાબા પર જમીને ટ્રકમાં જ સુઈ ગયા હતા. રાતના બે વાગ્યાની આસપાસ ત્રણ અજાણ્યા ઈસમ ટ્રકની કેબિનમાં ઘૂસી ગયા હતા
વટવા જીઆઇડીસી શ્રી નાથજી ઢાબા પાસે મોડી રાતે ટ્રક ડ્રાઇવર ટ્રકમાં સુતો હતો. તે સમયે ત્રણ યુવકે કેબિનમાં ઘૂસીને તેને બંધક બનાવી ટ્રક અવાવરું જગ્યાએ લઇ જઈને ટ્રકનાં નવ ટાયર, બેટરી મોબાઈલ તેમજ રોકડા રૂપિયા લૂંટીને ફરાર થઇ ગયા છે.
રાજસ્થાનમાં રહેતા અને ટ્રક ચલાવીને પોતાનું ગુજરાન ચલાવતા સુરેશ યોગીએ વટવા જીઆઈડીમાં લૂંટની ફરિયાદ કરી છે. બે દિવસ પહેલાં રાતે સુરેશભાઈ એસ.પી.રિંગ રોડ પર આવેલ શ્રી નાથજી ઢાબા પર જમીને ટ્રકમાં જ સુઈ ગયા હતા. રાતના બે વાગ્યાની આસપાસ ત્રણ અજાણ્યા ઈસમ ટ્રકની કેબિનમાં ઘૂસી ગયા હતા અને સુરેશભાઈ સાથે ઝપાઝપી કરીને યુવકોએ કહ્યું કે તારી પાસે જે કાંઈ પૈસા હોય તે આપી દે. જેથી સુરેશભાઈએ આનાકાની કરતાં ત્રણેય યુવકોએ સુરેશભાઈને હાથ પગ બાંધીને મોઢા પર પટ્ટી મારીને અવાવરું જગ્યાએ તેની જ ટ્રકમાં લઇ ગયા હતા.
ત્યાર બાદ આ ત્રણ યુવક ટ્રકનાં નવ ટાયર, બેટરી, મોબાઈલ અને રોકડા આઠ હજાર લૂંટીને નાસી ગયા હતા.અને સુરેશભાઈ ટ્રકમાં ગમે તેમ કરીને મોઢા પરથી પટ્ટી કાઢીને બુમાબુમ કરતાં આસપાસ લોકો આવી જતા સુરેશભાઈને હાથ અને પગમાં બાંધેલ દોરડા ખોલ્યા હતા અને પોલીસને તાત્કાલિક જાણ કરતાં પોલીસે ગુનો નોંધી ત્રણ યુવકોની શોધખોળ શરૂ કરી છે.