જામનગરનાં લાખોટા તળાવ કિનારે અહીં દરરોજ હજારો લાકો ફરવા માટે આવતા હોય છે તો વળી શહેરનાં એક છેડાથી બીજા છેડા સુધી જનારા નાગરિકો પણ અહીંથી જ પસાર થતાં હોય છે. ત્યારે ત્યાં એક બાળકી પોતાની માતાની આંગળીથી ક્ષણવાર છૂટી પડી ગઈ હતી. ત્યારે એવાં વખતે પાછી ન આવતા ઘટનાનાં સીસીટીવી ફૂટેજ સામે આવ્યાં બાદ તે જોઇને પરિવારનાં તો હોંશ ઊડી ગયા. જો કે સદનસીબે તે બાળકી હેમખેમ પરત મળી આવી છે.
ભીડમાં કે જાહેર સ્થળોએ પોતાના સંતાનોને સાથે લઈને જનારા વાલીઓ માટે લાલબત્તી સમાન કિસ્સો સામે આવ્યો છે. જામનગર (Jamnagar)નાં લાખોટા તળાવ પાસે એક બાળકી પોતાની માતાની આંગળીથી ક્ષણવાર છૂટી પડી ગઈ તે એ સમયે પાછી ન આવતા ઘટનાનાં સીસીટીવી ફૂટેજ સામે આવ્યાં બાદ તે જોઇને પરિવારનાં તો હોંશ ઊડી ગયા. સીસીટીવીમાં એક બુકાની ધારી મહિલા બાળકીને આંગળી પકડીને લઈને જતી જોવા મળી ત્યારે પોલીસને પણ અપહરણ (Kidnapping) ની શંકા ઉપજવા લાગી હતી. જો કે સદનસીબે તે બાળકી હેમખેમ પરત મળી આવી છે.
જામનગરનાં લાખોટા તળાવ કિનારે અહીં દરરોજ હજારો લાકો ફરવા માટે આવતા હોય છે તો વળી શહેરનાં એક છેડાથી બીજા છેડા સુધી જનારા નાગરિકો પણ અહીંથી જ પસાર થતાં હોય છે. ઠીક આવી જ રીતે જામનગરમાં રહેતા ઘનશ્યામભાઇની પત્ની જિયાબેન બાળકો સાથે રવિવારની સાંજે લાખોટા તળાવે ફરવા ગયા હતાં. જિયાબેન તેમની સાથે પોતાના 4 વર્ષનાં દીકરાને અને અને 3 વર્ષની દીકરીને પણ ફરવા માટે લઈ ગયા હતાં.
તેઓ તળાવની ફરતે રોડ પર ફરી રહ્યાં હતાં ત્યારે તેમનો પુત્ર તેમની આગળ દોડવા લાગ્યો હતો. જેને પકડવા માટે જિયાબેન થોડા દોડીને આગળ ગયા અને પોતાનાં પુત્રને અટકાવ્યો. પરંતુ જ્યારે જિયાબેન પરત ફર્યા તો તેમની પુત્રી તેમને જોવા મળી ન હતી. આથી, હતપ્રભ બનેલા જિયાબેને ગાર્ડનનાં સિક્યુરિટીને જાણ કરી હતી. બાદમાં તેમનાં પતિએ 100 નંબર પર ફોન કરીને પોલીસને પણ જાણ કરી હતી. જો કે શહેરની એ ડિવિઝન પોલીસે અજાણી મહિલા વિરુદ્ધ ફરિયાદ પણ નોંધાવી હતી.
આ ઘટનાને કેદ કરતાં જે સીસીટીવી ફૂટેજ સામે આવ્યાં છે તેમાં સ્પષ્ટપણે જોવાં મળી રહ્યું છે કે, પોતાની મમ્મી પાછળ એકલી છૂટી ગયેલી તેમની બાળકીને ક્ષણવારમાં જ અજાણી મહિલા ફોસલાવીને દૂર લઈ જઈ રહી છે. એ અજાણી મહિલાની આંગળી પકડીને બીજું બાળક પણ ચાલી રહ્યું છે. લાખોટા તળાવનાં ગેટ નં.4 પરથી જીયાને અજાણી મહિલા ફોસલાવીને લઈ જઈ રહી છે. સીસીટીવીમાં મહિલાની એક આંગળીએ જીયા જોવા મળે છે અને બીજી આંગળીએ એક બાળક જોવા મળી રહ્યો છે. જો કે અપહરણકાર મહિલા અને તે બાળકી આખરે જોગવડ ગામેથી મળી આવી. બાળકી અને આરોપી મહિલાને જામનગર લાવવા માટેની તજવીજ હાથ ધરાઇ. રવિવારનાં રોજ જામનગરનાં લાખોટા તળાવમાંથી બાળકીનું અપહરણ થયું હતું.
તમને જણાવી દઇએ કે બાળકોનાં અપહરણ કરતી ટોળી સક્રીય થઈ હોવાની અફવા ગત દિવસોમાં રાજ્યમાં ખૂબ જ વહેતી થઈ હતી. જેમાં પરપ્રાંતિય અને બુરખાધારી સ્ત્રી-પુરુષો બાળકોનાં અપહરણ કરવા ફરી રહ્યાં છે તેવી શંકા રાખીને નાગરિકોએ અનેક ભિક્ષુકો અને અજાણ્યા શખ્સોને ઢોર માર પણ માર્યો હોવાનાં કિસ્સા સામે આવ્યાં હતાં. ત્યારે હવે ફરી પાછી એકલી બાળકીને ફોસલાવીને લઈ જવાની આ ઘટનાએ અનેક વાલીઓમાં સંતાનોની સુરક્ષા બાબતે ચિંતા ઊભી કરી છે.
આ કિસ્સો અનેક વાલીઓ માટે લાલબત્તી સમાન છે ત્યારે વાલીઓએ પણ પોતાનાં બાળકોને કેટલીક રીતો શીખવવાની જરૂર છે. જેમ કે, બાળકને એ શીખવવું જોઈએ કે તે મુશ્કેલ સ્થિતિમાં ફસાઈ જાય ત્યારે બૂમો પાડવાનું શરૂ કરી દે. બાળકને ગુડ ટચ અને બેડ ટચ વિશે સાવચેત કરો. બાળક સમજણું થાય પછી તરત તેને ઘરનું સરનામું અને ફોન નંબર મોઢે કરાવો. બાળકને અજાણી વ્યક્તિ પર વિશ્વાસ નહીં કરવાનું સમજાવો.