ઓપરેશન સક્સેસ / જમ્મુ- કાશ્મીરમાં સેના સાથેના એન્કાઉન્ટરમાં 3 આતંકવાદી ઠાર, ફક્ત જૂન મહિનામાં 38 આતંકીઓે માર્યા ગયા

• એક રાઇફલ અને 2 પિસ્તોલ મળી છે
• ઘટના સ્થળે પોલીસ કાર્યવાહી ચાલુ છે
• પોલીસ, સેના અને 19 રાષ્ટ્રીય રાઈફલ્સ અને સીઆરપીએફની સંયુક્ત ટીમોએ ઓપરેશન પાર પાડ્યું

પોલીસના જણાવ્યા મુજબ આ અથડામણમાં માર્યા ગયેલા આતંકીઓની ઓળખ હજુ થઈ નથી. આજના મુકાબલા સાથે જમ્મુ કાશ્મીરમાં આ વર્ષે સુરક્ષા દળો દ્વારા 116 આતંકવાદીઓ માર્યા ગયા છે. તેમાંથી આ મહિનામાં જ 38 આતંકવાદીઓ માર્યા ગયા છે.

અહેવાલમાં જણાવ્યા મુજબ રુનીપોરા વિસ્તારમાં સંયુક્ત કાર્યવાહીમાં પોલીસ, સેના અને 19 રાષ્ટ્રીય રાઈફલ્સ અને સીઆરપીએફની સંયુક્ત ટીમોના રુનીપોરા વિસ્તારમાં સંયુક્ત ઓપરેશનમાં  આતંકવાદીઓને ઢેર કર્યા હતા.

3 terrorists killed in J-K's Anantnag encounter

Read @ANI Story | https://t.co/ZVE6FReVMT pic.twitter.com/EzpSNYqQKr

— ANI Digital (@ani_digital) June 29, 2020

સુરક્ષા દળોએ આતંકીઓને ઘેરી લેવાનું શરૂ કરતાં જ વિસ્તારમાં છુપાયેલા આતંકીઓએ ફાયરિંગ શરૂ કરી દીધું હતુ. આર્મી પોલીસ અને સીઆરપીએફે બદલામાં કાઉન્ટર ફાયરિંગ કર્યું હતુ. સેનાએ ઘટના સ્થળેથી હથિયારો પણ કબજે કર્યા છે.

પકડાયેલા શસ્ત્રમાં એક રાઇફલ અને 2 પિસ્તોલ છે. ઘટના સ્થળે પોલીસ કાર્યવાહી ચાલુ છે. પોલીસે આ વિસ્તારને ઘેરી લીધો છે અને ત્યાં સર્ચ ઓપરેશન ચલાવવામાં આવી રહ્યું છે.