ઉત્તર પૂર્વ ચીનના શહેર મોહે ના લોકો શનિવારે જેવા ઉઠયા, ત્યારે સવારે 16 ઓક્ટોબરના દિવસે તેમના માટે આસમાનનું દ્રશ્ય ખૂબ જ ખાસ અને આશ્ચર્યજનક હતું. આકાશમાં એક સાથે ત્રણ સૂર્ય જોઈને તેઓ આશ્ચર્યચકિત થઈ ગયા હતા. જો કે, આકાશમાં દેખાતા અન્ય બે સૂર્ય વાસ્તવિક ન હતા પરંતુ 'સન ડોગ' ના નામે ઓળખાતી ઘટનાના કારણે તેઓ ત્રણ સૂર્ય જોઇ રહ્યા હતા.
ચીનના આકાશમાં બની એક અદભૂત ઘટના
એક સાથે દેખાઈ રહ્યા હતા ત્રણ સૂરજ
લોકોએ કેમેરામાં આ તસવીર કે વિડીયો બનાવવાનો પ્રયાસ કર્યો હતો
આને વાતાવરણીય ઓપ્ટિકલ અસાધારણ ઘટના તરીકે ઓળખવામાં આવે છે, જેના કારણે લોકો આકાશમાં એક કરતા વધારે સૂર્ય જુએ છે.
લોકોએ ત્રણ કલાક સુધી નિહાળી હતી ઘટના
આ દુર્લભ ઘટનાને લોકોએ ત્રણ કલાક સુધી જોઇ હતી. સવારે 6:30 થી 9:30 સુધી લોકોએ દુર્લભ ઘટના નિહાળી હતી અને ઘણાએ તેને કેમેરામાં કેદ કરવાનો પ્રયાસ કર્યો હતો. પીપલ્સ ડેઇલી ચાઇના એ તેના ટ્વિટર હેન્ડલ પર એક વીડિયો પોસ્ટ કર્યો હતો જેમાં ત્રણેય સૂર્ય દર્શાવ્યા હતા. વિડિઓમાં સૂર્ય સાથેના બે તેજસ્વી સ્થળો બતાવવામાં આવ્યા છે જેને 'ફેન્ટમ સન' તરીકે પણ ઓળખવામાં આવે છે.
Three suns appeared in the sky of NE China's Mohe for hours as the residents were amazed by the natural spectacle, which also known as 'sun dogs'. ☀️☀️☀️ pic.twitter.com/oeOyRzMwKW
'સન ડોગ' નામની આ દુર્લભ ઘટના ત્યારે બને છે જ્યારે પૃથ્વીના વાતાવરણમાં આઇસ સ્ફટિકો રચાય છે, જેના પછી તેઓ સૂર્યપ્રકાશને પ્રતિબિંબિત કરે છે અને ચમકતો સૂર્ય દેખાય છે. માનવામાં આવે છે કે તે છેલ્લા વર્ષોની સૌથી લાંબી સન ડોગ ની ઘટના છે.
ઈન્ટરનેટ યુઝર્સ થઈ ગયા હતા આશ્ચર્યચકિત
વીડિયો જોયા પછી ઇન્ટરનેટ યુઝર્સ આશ્ચર્યચકિત થઈ ગયા. એક ટ્વિટર યુઝરે લખ્યું, "જેમ કે મને ક્યારેક શંકા હોય છે ... ચીનમાં બધું છે." જાન્યુઆરીમાં ચીની શહેર ફ્યુયમાં આવી ઘટના જોવા મળી હતી. પછી 20 મિનિટ માટે આકાશમાં બે વધારાના સૂર્ય દેખાયા. આ પ્રકારની ઘટના માટે જો કે ઘણા બધા પરિબળો કામ કરતા હોય છે જેણા લીધે તે રોજીંદી રીતે બની શકતી નથી.