ઝારખંડમાં વિધાનસભા ચૂંટણી માટે મતદાન પહેલા નક્સલીઓએ મોટો હુમલો કર્યો છે. 30 નવેમ્બરે રાજ્યમાં પ્રથમ તબક્કા માટે મતદાન થવાનું છે. આ મતદાન પહેલા નક્સલીઓએ લાતેહરમાં પોલીસ પાર્ટી પર હુમલો કર્યો છે. આ હુમલામાં પોલીસના 3 જવાન શહીદ થઇ ગયા. જ્યારે એક ગંભીર રીતે ઇજાગ્રસ્ત છે.
30 નવેમ્બરે પ્રથમ તબક્કામાં લાતેહારમાં મતદાન
લાતેહારના ચંદવા પોલીસ સ્ટેશનથી 2 કિમી દૂર થયો હુમલો
ચૂંટણી આયોગે આપ્યા હતા સતર્કતા વર્તવાના સૂચન
નક્સલીઓએ પોલીસ પર આ હુમલો લાતેહાર જિલ્લાના ચંદવા પોલીસ સ્ટેશનથી અંદાજિત 2 કિલોમીટર દૂર કર્યો. ત્યારબાદ પોલીસ અને નક્સલીઓ વચ્ચે અથડામણ પણ થઇ. 30 નવેમ્બરે પ્રથમ તબક્કાનું લાતેહાર, ગઢવા, પલામૂ, ગુમલા, લાહરદગા અને ચતરા જિલ્લાની 13 વિધાનસભા બેઠકો પર મતદાન થવાનું છે. આ તમામ જિલ્લા નક્સલ પ્રભાવિત માનવામાં આવે છે.
Correction-3 police personnel have lost their lives, 1 critically injured, in Naxal attack in Latehar district, Jharkhand pic.twitter.com/z60GzRCyV6
આ પહેલા બુધવારે ચૂંટણી પંચે નક્સલ પ્રભાવિત વિસ્તારોમાં મતદાન દરમિયાન વિશેષ સતર્કતા વર્તવાના આદેશ આપ્યા હતા. મુખ્ય ચૂંટણી અધિકારી સુનીલ અરોરાએ કહ્યું હતું કે જે વિસ્તારોમાં મતદાન થવાનું છે, ત્યાંના જિલ્લા અધિકારી અને પોલીસ અધિક્ષક મતદાન કર્મચારીઓને મોકલવા અને લાવવા માટે વિશેષ તકેદારી રાખે.
આ સિવાય ઝારખંડ વિધાનસભા ચૂંટણી માટે કેન્દ્રીય સુરક્ષા દળ સિવાય ઝારખંડના સશસ્ત્ર દળોની 137 કંપનીઓ તૈનાત કરવામાં આવી છે. દરેક કંપનીઓ સંભાળવાની જવાબદારી પોલીસ નાયબ અધિક્ષક કક્ષાના અધિકારીને આપવામાં આવી છે. આ દળોમાં 90 કંપનીઓ અર્ધસૈનિક દળ અને 47 કંપનીઓ ઝારખંડ પોલીસની છે.