WORLD / ફ્રાન્સમાં આતંકવાદ ભડક્યો; 1 મહિલાનું માથું કાપી નખાયું, કુલ 3ના મોત

આ હુમલાને શહેરના મેયરે આતંકવાદી હુમલો ગણાવ્યો છે. આ હુમલામાં 3ના મોત ઉપરાંત ઘણા લોકો ઘાયલ થયા હોવાનું જાણવા મળ્યું છે. 

Je suis sur place avec la @PoliceNat06 et la @pmdenice qui a interpellé l’auteur de l’attaque. Je confirme que tout laisse supposer à un attentat terroriste au sein de la basilique Notre-Dame de #Nice06. pic.twitter.com/VmpDqRwzB1

— Christian Estrosi (@cestrosi) October 29, 2020

ફ્રેન્ચ પોલીસે હત્યાને ઝડપી લીધો છે. તેણે આ ઘટનાને શહેરના જિન મેડિસિન એવન્યુ વિસ્તારમાં આવેલા નોત્રે ડૅમ ચર્ચ પાસે અંજામ આપ્યો હતો. આ મુદ્દે સરકારે આતંકવાદી હુમલા તરીકે તપાસ હાથ ધરી છે. 

નોંધનીય છે કે ફ્રાન્સમાં હજુ ગણતરીના દિવસો પહેલા મહોમ્મદ સાહેબનું કાર્ટૂન દેખાડવા બદલ એક શિક્ષકની હત્યા કરી દેવાઈ હતી. હજુ તે ઘટનાને આજની ઘટના સાથે સીધો સંબંધ છે કે નહીં તે સ્પષ્ટ થયું નથી પરંતુ ફ્રાન્સની જનતામાં આ પ્રકારની ઘટનાઓથી આક્રોશ ફેલાઈ રહ્યો છે. 

જો કે આ મુદ્દે ફ્રેન્ચ રાષ્ટ્રપતિ મેક્રોનનું ઇસ્લામ પ્રત્યેનું વલણ મુલ્સિમ દેશોમાં આક્રોશ ફેલાવી રહ્યું છે. મુસ્લિમ દેશોમાં ફ્રેન્ચ ઉત્પાદનોનો બહિષ્કાર કરવામાં આવી રહ્યો છે.