ગાંધીનગરમાં ખતરનાક અકસ્માતઃ દૂધ ભરેલા ટેમ્પા સાથે ટક્કર અને કારના બે ટુકડા

ગાંધીનગરઃ કોબા સર્કલ પાસે ભાઈજીપુરા પાસે કાર અને દૂધના ટેમ્પો વચ્ચે ભયંકર અકસ્માત સર્જાયો હતો. જેમાં બે યુવકોને સામાન્ય ઈજા થઈ હતી. અને એક યુવકની હાલત ગંભીર હોવાથી તેને સારવાર માટે ખસેડાયો હતો.

તો અકસ્માતના પગલે રોડ પર દૂધની થેલીઓની રેલમછેલ થઈ હતી. આ અકસ્માત એટલો ખતરનાક હતો કે કારના બે ટુકડા થઈ ગયા હતા પણ સદનસીબે કોઈ જાનહાનિ થઈ હતી નહીં.



મહત્વનું છે કે કાર અને દૂથના ટેમ્પા વચ્ચે એટલો ભયંકર અકસ્માત સર્જાયો હતો કે કારના ઉભા બે ટુકડા થઇ ગયા હતા. રોડ પર દૂધની રેલમછેલ થઇ હતી. આ અકસ્માતમાં કોઇ જાનહાની થવા પામી ન હતી. 2 યુવકોને સામાન્ય ઇજા પહોંચી છે. જ્યારે 1 યુવકની હાલત હાલ ગંભીર જણાય રહી છે.

ઉલ્લેખનીય છે કે અકસ્માતને લઇને ઘટનાસ્થળે લોકોના ટોળા ઉમટ્યા હતા. પોલીસે ઘટનાસ્થળે પહોંચી સમગ્ર ઘટનાની તપાસ હાથધરી હતી.