IPLIN
 
  • Home
  • Politics
  • India
  • Three incidents after the violence in Delhi that the farmers movement is likely to disintegrate

કૃષિ કાયદા / દિલ્હીમાં હિંસા બાદ બની એવી ત્રણ ઘટના કે ખેડૂત આંદોલન વિખેરાઈ જવાની શક્યતા

Team VTV 09:18 PM, 27 Jan 21 | Updated: 09:25 PM, 27 Jan 21
Follow us
Three incidents after the violence in Delhi that the farmers movement is likely to disintegrate

દિલ્હીમાં ગઈ કાલે બનેલી ટ્રેકટર પરેડમાં હિંસાની ઘટના પછી મુખ્યટકવે એવી ત્રણ ઘટનાઓ બની છે જેનાથી ખેડૂત આંદોલન વિખેરાઈ જવાની શક્યતાઓ વધી ગઈ હોય એવું નિષ્ણાતો માની રહયા છે. 

  • ખેડૂત આંદોલનમાં બની ત્રણ ઘટનાઓ 
  • તો શું ખેડૂત આંદોલન સમાપ્ત થઈ જશે ?
  • દિલ્હી જયપુર હાઇવે ખાલી કરી દેવાયો 

ગઈકાલે બનેલી હિંસા બાદ આજે દિલ્હી પોલીસ એક્શનમાં દેખાઈ હતી અને આંદોલનમાં સામેલ કુલ 9 જેટલા ખેડૂત નેતાઓની વિરુદ્ધમાં ફરિયાદ નોંઘીને કાર્યવાહી શરુ કરી હતી, સાથે જ 93 જેટલા લોકોની ઓળખ કરીને અટકાયત પણ કરી લેવામાં આવી છે, આવા સમયમાં કુલ ત્રણ એવી ઘટનાઓ બની કે જેનાથી આંદોલન સમાપ્ત થઇ જાય તેવા સંજોગો ઉભા થયા છે. 

દિલ્હી જયપુર હાઇવેથી ખસી ગયા ખેડૂતો, રોડ કર્યો ખાલી 

દિલ્હીમાં થયેલી હિંસા બાદ આજે ખેડૂતોએ દિલ્હી અને જયપુર વચ્ચેના નેશનલ હાઇવે 8 ને ખાલી કરી દેવાયો છે. રેવાડીના 20 ગામડાની પંચાયતોએ ખેડૂતોને 24 કલાકનું અલ્ટીમેટમ આપ્યું હતું, જો કે આજે ખેડૂતોએ આ હાઇવે ખાલી કરી દીધો હતો, જેના પર તેઓ છેલ્લા દોઢ મહિનાથી ધરણા આપી રહયા હતા. આમ આ ઘટનાથી પ્રશ્ન ઉદભવે છે કે શું ખેડૂતોને આ પંચાયતોનો સપોર્ટ બંધ થઇ ગયો?

ચિલ્લા બોર્ડર પર ધરણા સમાપ્ત

દિલ્હી અને ઉત્તર પ્રદેશને જોડતી ચિલ્લા બોર્ડર પર આજે ખેડૂતોના ધરણાનો અંત આવી ગયો હતો, મહત્વનું છે કે આ બોર્ડર પર પ્રદર્શન કરવા વાળા સંગઠન ભારતીય કિસાન યુનિયન (ભાનુ) એ આજે ખેડૂત આંદોલનમાંથી અલગ થવાની જાહેરાત કરી હતી. 

મહત્વનું છે કે આજે અન્ય એક સંગઠન રાષ્ટ્રીય કિસાન મજદૂર સંગઠનના અધ્યક્ષ વીએમ  સિંહે પણ આંદોલનથી અલગ થવાની ઘોષણા કરી હતી, તેમણે ખેડૂત નેતા રાકેશ ટિકૈત પર ગંભીર આરોપો લગાવ્યા હતા અને કહ્યું હતું કે અમે અહીં અમારા ખેડૂતોને શહીદ કરાવવા માટે નથી આવ્યા, આ આંદોલનની દિશા અલગ થઇ ચૂકી છે માટે અમે અલગ થઇ રહયા છીએ. 

મહત્વનું છે કે ચિલ્લા બોર્ડર પર ધરણા આપવા વાળા સંગઠન ભારતીય કિસાન યુનિયન (ભાનુ) એ પણ પ્રદર્શનને સમાપ્ત કરીને આંદોલનથી અલગ થવાનો નિર્ણય કર્યો હતો, જેને લઈને નોઈડાના એડીસીપી રણવિજય સિંહે કહ્યું હતું કે આ આંદોલનના લીધે જે ટ્રાફિક અવરોધાતો હતો અમે તેને સુચારુ ચલાવવાની કોશિશ કરી રહયા છીએ. 

વીએમ સિંહનું સંગઠન પણ થયું અલગ 

આની સાથે જ વીએમ સિંહ નામના ખેડૂત આગેવાનનું પણ સંગઠન રાષ્ટ્રીય કિસાન મજદૂર સંગઠને પણ આંદોલનથી અલગ થવાની ઘોષણા કરી હતી, તેમણે કહ્યું હતું કે હિંસાથી અમારું કઈં પણ લેવા દેવા નથી, રાકેશ ટિકૈત પર હુમલો કરતા તેમણે કહ્યું કે તેંમણે એક પણ વાર શેરડીના ખેડૂતોની અથવા ધાનની ખરીફની વાત ઉચ્ચારી? અમે અહીં સમર્થન આપતા રહયા અને તેઓ ત્યાં નેતા બનતા રહયા, એવું હવે મંજૂર નથી, 26 જાન્યુઆરી અને ઝંડાની એક મર્યાદા હોય છે અને જો કોઈએ તેનો ભંગ કર્યો છે તો તેના પર કાર્યવાહી થવી જોઈએ. 

મહત્વનું છે કે આની સિવાય આજે વિપક્ષના ઘણા નેતાઓએ પણ આ હિંસાને વાજબી ગણાવી નહોતી, જો કે કેબિનેટની બેઠક પછી કેન્દ્રીય મંત્રી પ્રકાશ જાવડેકરે કહ્યું હતું કે અમે ખેડૂતો સાથે વાતચીતના રસ્તા બંધ નથી કર્યા, અને આ પછી દિલ્હી પોલીસ દ્વારા યોજાયેલી એક પ્રેસ કોન્ફ્રન્સમાં તેમના દ્વારા જાણકારી આપવામાં આવી હતી કે આ ખેડૂતો દ્વારા જે એનઓસી ભંગ કરવામાં આવ્યું હતું અને લોકોને ઉશ્કેરવામાં આવ્યા હતા, અને ખેડૂતોએ નક્કી થયેલા રૂટની જગ્યાએ અલગ રૂટ લીધો હતો જેના લીધે હિંસા વકરી હતી. 

તો શું ખેડૂત આંદોલન સમાપ્ત થઈ જશે ?

મહત્વનું છે કે દિલ્હી પોલીસ દ્વારા જે રીતે હાલમાં હિંસા કરનારા તત્વોની સામે કાર્યવાહી કરવામાં આવી રહી છે તે જોતા લાગી રહ્યું છે કે કેન્દ્રીય ગૃહ મંત્રાલય દ્વારા કાયદો વ્યવસ્થા સુનિશ્ચિત કરવા માટે હવે દિલ્હી પોલીસને ફ્રી હેન્ડ આપવામાં આવ્યું છે અને આ બધી કડીઓ  જોતા નિષ્ણાતો માની રહ્યા છે કે હવે આ આંદોલન વિખરાઈ જવાની શક્યતાઓ ઉભી થઇ છે. આની સાથે જ આજે કેન્દ્રીય મંત્રી પ્રકાશ જાવડેકરે એક નિવેદનમાં કહ્યું હતું કે લાલ કિલ્લાનું અપમાન કરવાવાળાઓની સામે કાર્યવાહી થવી જ જોઈએ. 
 

Kisan Aandolan farmers protest farm laws modi government Union Home Ministry ગૃહ મંત્રાલય
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ