પાડોશી દેશોને પરેશાન કરતા ચીન પર હવે કોરોના બાદ આકાશી આફત આવી છે. પહેલા કોરોના અને હવે વરસાદે ચીનમાં કહેર મચાવ્યો છે. ચીનના 24 પ્રાંતમાં ભારે વરસાદ થઈ રહ્યો છે. જેના કારણે ચીનમાં અત્યાર સુધીમાં 78 લોકોના મૃત્યુ થયા છે.
પાડોશી દેશને પરેશાન કરતા ચીનમાં હવે આકાશી આફત
કોરોના બાદ ચીનમાં ભારે વરસાદના કારણે કહેર
ચીનના 24 પ્રાંતમાં થઈ રહ્યો છે ભારે વરસાદ
ભારે પૂરના કારણે 1 લાખથી વધુ મકાનો પણ ક્ષતિગ્રસ્ત થયા છે. વરસાદ અને તેના કારણે ચીનને 25 અબજ યુઆનથી વધુનું આર્થિક નુકસાન થયું છે. ચીનમાં બનાવેલા વિશ્વના સૌથી મોટા થ્રી ગોર્જ ડેમને પણ ખોલવાની ફરજ પડી છે. જેના કારણે નદીઓ ગાંડીતૂર થઈ ગઈ છે. ચીનના ક્વાંગશી, ક્વાંગતોંગ, ફૂચ્યેન, ચચ્યાંગ પ્રાંતની 110 જેટલી નદીઓ ભયનજક સપાટીએ વહી રહી છે.
સિચુઆન પ્રાંતમાં ભારે વરસાદ બાદ પૂરની સ્થિતિ
ચીનની સિચુઆન પ્રાંતમાં ભારે વરસાદ બાદ પૂરની સ્થિતિ સર્જાઈ છે. ચીનના આ પ્રાંતોમાં દર વર્ષે પૂરની સ્થિતિ સર્જાય છે અને આજ કારણોસર ચીનના લોકોને ભારે નુકસાની પહોંચે છે. 1998માં ચીનમાં ખતરનાક ભૂકંપ આવ્યો હતો. 2 જૂનથી ચીનના આ પ્રાંતોમાં સતત વરસાદ વરસી રહ્યો છે.
આકાશી આફત સામે ચીનના લોકો પણ મજબૂર
આ આકાશી આફત સામે ચીનના લોકો પણ મજબૂર છે. બીજી તરફ રેસ્ક્યુ ઓપરેશન પણ પૂર જોશમાં ચાલી રહ્યું છે. પૂરમાં કારમાં ફસાયેલા લોકોને કાચ તોડીને બચાવવામાં આવ્યા હતા. તો મકાનો અને માર્ગો પર કારમાં ફસાયેલા લોકોનું રેસ્ક્યુ કરવામાં આવ્યું છે.
આ પૂર્વે ચીનમાં 2016માં ભારે પૂર આવ્યું હતું
આ પૂર્વે ચીનમાં 2016માં ભારે પૂર આવ્યું હતું. જેમાં 250થી વધુ લોકોના મૃત્યુ થયા હતા. ચીનમાં ભારે વરસાદ વચ્ચે ચીની જળવિજ્ઞાની વાંગ વેઈલુઓએ થ્રી ગોર્જ ડેમની સુરક્ષા પર સવાલ ઉભા કરતા ચેતવણી જાહેર કરી છે અને કહ્યું કે ડેમ તૂટી શકે છે. બીજી તરફ 7 હજાર 705 લોકોનું રેસ્ક્યુ કરવામાં આવ્યું છે..