IPLIN
 

અવઢવ / જાયે તો જાયે કહાં - એક જ દિવસમાં ત્રણ સ્પર્ધાત્મક પરીક્ષાઓ, ઉમેદવારો મૂંઝવણમાં

Team VTV 02:55 PM, 04 Dec 19
Follow us
three exam in 8 december GPSC IBPS C-TAT Gujarat

રાજ્ય સરકાર અને વિવિધ ભરતી બોર્ડનાં સંકલનના અભાવે તા. 8 ડિસેમ્બરના રોજ ત્રણ પરીક્ષા જાહેર થઇ છે. જેના કારણે લાંબા સમયથી મહેનત કરતા ઉમેદવારો માટે "જાયે તો જાયે કહાં'' એવો ઘાટ સર્જાયો છે. રવિવારે આઇબીપીએસ ( IBPS ) ( Institute of Banking Personnel Selection ), ડીવાયએસઓ ( DYSO ) ( Deputy Section Officer )અને સી-ટાટ ( C-TAT ) ( Central Teacher Eligibility Test )એમ ત્રણ પરીક્ષાઓ લેવાશે. જેના કારણે ઉમેદવારોમાં અવઢવ છે કે કઇ પરીક્ષામાં હાજર રહેવું અને કઇ નોકરીની તક જતી કરવી.

  • ત્રણ ત્રણ સ્પર્ધાત્મક પરીક્ષા એક જ દિવસે
  • 8મી ડિસેમ્બર રવિવારના છે 3 પરીક્ષા
  • વર્ષોથી તૈયારી કરતા પરીક્ષાર્થીઓ અવઢવમાં

રાજ્યભરનાં વિદ્યાર્થીઓ તેમના અભ્યાસ સાથે સરકારી નોકરી માટે મહેનત કરતા હોય છે. તેના માટે ફોર્મ ભરવાથી લઇને પરીક્ષાની તારીખ સુધી ટ્યૂશન કલાસ અને અન્ય બાબતો માટે હજ્જારો રૂપિયાનો ખર્ચ કરી નાખે છે. ત્યારે ભરતી સંસ્થાઓ વચ્ચે સંકલનના અભાવે એક જ સાથે ત્રણ પરીક્ષા જાહેર થવાના કારણે ઉમેદવારોમાં નારાજગી છે. 

કઈ કઈ સ્પર્ધાત્મક પરીક્ષાઓ એકસાથે લેવાઈ રહી છે

IBPS ( Institute of Banking Personnel Selection )ની કલેરિકલ, કેડર ભરતી, ગુજરાત પબ્લિક સર્વિસ ક‌મિશન ( GPSC ) ( Gujarat Public Service Commission )ની નાયબ મામલતદાર એટલે કે, ડીવાયએસઓ ( DYSO ) ( Deputy Section Officer )અને સી-ટાટ ( C-TAT ) ( Central Teacher Eligibility Test )ની પરીક્ષા રવિવારે 8 ડિસેમ્બરે યોજાઇ છે. જેના કારણે ઉમેદવાર કોઇ પણ એક જ પરીક્ષા આપી શકશે અને અન્ય પરીક્ષાનો ખર્ચ અને મહેનત એળે જશે. ‌ઉમેદવારોમાં ચર્ચા છે કે, સરકારના વિભાગો પરીક્ષા યોજે ત્યારે તેમાં વચ્ચે સંકલનનો શા માટે અભાવ રહે છે ? આવી પરિસ્થિતિમાં બે પરીક્ષા ગુમાવવાથી બે નોકરીની તક પણ જતી કરવી પડે. 

Deputy Section Officer DySO C-TAT Central Teacher Eligibility Test Gujarat Public Service Commission GPSC Institute of Banking Personnel Selection IBPS
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ