મધ્યપ્રદેશમાં વિધાનસભાની 230 સીટ પર ચૂંટણી યોજાઈ છે પણ મધ્યપ્રદેશમાંથી એક દુઃખદ સમાચાર મળી રહ્યા છે. મતદાન મથક પર ચૂંટણી અધિકારી તરીકે ફરજ બજાવતા ત્રણ ચૂંટણી અધિકારીઓનાં આકસ્મિક મોત થયા છે.
ઈન્દોરમાં એક અને ગુનામાં બે ચૂંટણી અધિકારીના ચૂંટણી ડ્યૂટી દરમિયાન મોત થયા છે. પ્રાપ્ત વિગતો મુજબ હાર્ટ અટેકના કારણે ત્રણેય અધિકારીઓનાં મોત થયા હોવાનું સામે આવ્યું છે.
જો કે તંત્ર દ્વારા ત્રણેય અધિકારીઓને સારવાર માટે ખસેડવામાં આવ્યા અને આગળની કાર્યવાહી હાથ ધરી છે. આ દુઃખદ સમાચાર બાદ ઈલેક્શન કમિશને પણ મૃતક ત્રણેય ચૂંટણી અધિકારીઓના પરિવારને સહાયની જાહેરાત કરી છે.
ઈલેક્શન કમીશને ત્રણેય મૃતક ચૂંટણી અધિકારીઓના પરિવારને રૂ. 10 - 10 લાખની સહાયની જાહેરાત કરી છે.
આજે મધ્યપ્રદેશ અને મિઝોરમ વિધાનસભાની ચૂંટણી માટે મતદાન. મધ્યપ્રદેશ વિધાનસભાની તમામ 230 અને મિઝોરમ વિધાનસભાની તમામ 40 બેઠક માટે મતદાન યોજાઇ રહ્યું છે.
મધ્યપ્રદેશમાં 5 04 95 000 મતદાતાઓ રાજ્યનું ભાવી નક્કી કરશે. જેની માટે રાજ્યમાં કુલ 65 341 મતદાન કેન્દ્ર પર મતદાન પ્રક્રિયા હાથ ધરાઈ છે.