ડાંગના પૂર્વપટી વિસ્તારમાં ગમખ્વાર અકસ્માત થયો હતો. મુસાફર ભરેલી જીપ પલટી ખાઇ જતા દુર્ઘટના બની હતી. આ અકસ્માતમાં 3 લોકોના મોત થયા છે. જેમાં 10 મુસાફરોને ઈજા પહોંચી છે. આ તમામ ઈજાગ્રસ્તોને સારવાર માટે હોસ્પિટલ ખસેડવામાં આવ્યાં હતા.
મુસાફર ભરેલી જીપ પલટી થતા અકસ્માત સર્જાયો
અકસ્માતમાં 3ના મોત, 10 મુસાફરોને ઈજાઓ
તમામ ઈજાગ્રસ્તોને સારવાર માટે હોસ્પિટલ ખસેડાયા
મળતી માહિતી અનુસાર, આ જીપ ધાર્મિક પ્રસંગે જઇ રહી હતી તે દરમિયાન આ દુર્ઘટના બની હતી. 18 જેટલા લોકો આ જીપમાં સવાર હતા. ત્યારે ડાંગના જંગલ વિસ્તારમાં વળાંક લેતા સમયે જીપે પલટી મારી હતી. આ દરમિયાન 3 લોકોના ઘટનાસ્થળે મોત થયા હતા. જ્યારે 10થી વધુ લોકોને ઇજા પહોંચી છે. ઇજાગ્રસ્તોને સારવાર અર્થે સુબિર પ્રાથમિક આરોગ્ય કેન્દ્રમાં અને આહવાની સિવિલ હોસ્પિટલમાં ખસેડવામાં આવ્યા હતા.
જોકે ડ્રાઈવરની બેદરકારી અને નિયમો વિરૂદ્ધ ક્ષમતા કરતા વધુ મુસાફરોને લઇ જવાને લઇને આવી દુર્ઘટનાઓ બની રહી હોવાના આક્ષેપો લોકો દ્વારા કરવામાં આવી રહ્યા છે.