કચ્છના રવાપર માતાનામઢ નજીક અકસ્માત થયો છે. તુફાન જીપ અને કાર વચ્ચે અકસ્માતમાં 3 લોકોના મોત થયા છે. અન્ય 10 લોકોને ઈજાગ્રસ્ત થતા હોસ્પિટલમાં ખસેડવામાં આવ્યાં છે. આ મામલે દયાપર પોલીસ ઘટનાસ્થળે પહોંચી છે.
રવાપર માતાનામઢ નજીક અકસ્માત
તુફાન જીપ અને કાર વચ્ચે અકસ્માતમા બે મોત
અન્ય 10 લોકો ઈજાગ્રસ્તને હોસ્પિટલ ખસેડાયા
રવિવારે કચ્છના રવાપર અને માતાનામઢ વચ્ચે અકસ્માત સર્જાયો હતો. માંડવીના સલાયાના કોરાશરીફની દરગાહ દર્શનાર્થીઓ સવાર તુફાન જીપ અને RPL કંપનાના કર્મચારીઓ સવાર કાર વચ્ચે અકસ્માત થયો હતો. આ અકસ્માતમાં 3 લોકોના મોત નિપજ્યાં છે. બે RPLના બે કર્મચારીઓના ઘટનાસ્થળે જ્યારે અન્ય એકનું સારવાર દરમિયાન મોત નિપજ્યું છે.
તુફાન જીપમાં 10થી વધુ લોકો સવાર હતા. આ અકસ્માતમાં 10થી વધુ લોકો ઇજાગ્રસ્ત થયા છે. જેમને એમ્બ્યુલન્સ મારફતે ભુજની જીકે જનરલ હોસ્પિટલ ખસેડવામાં આવ્યા હતા.
આ અકસ્માત સર્જાતા લોકોના ટોળેટોળા ઉમટ્યા હતા. જ્યારે રોડ પર ટ્રાફિકજામના દ્રશ્યો સર્જાયા હતા. જોકે પોલીસે ઘટનાસ્થળે પહોંચીને ટ્રાફિક હળવો કર્યો હતો. આ અકસ્માતના પગલે વધુ તપાસ પણ હાથ ધરી છે.