IPLIN
 

અરેરાટી / પોરબંદરના બરડામાં ફરજ બજાવતી મહિલા વનકર્મી સહિત 3 લોકો જંગલમાં ગયા તો ખરા પરંતુ પછી જે બન્યું તે...

Team VTV 02:13 PM, 17 Aug 20 | Updated: 02:58 PM, 17 Aug 20
Follow us
three dead body found from barda forest of porbandar

પોરબંદરમાં મહિલા ફોરેસ્ટ કર્મચારીની હત્યા પછી ભીનુ સંકેલવાનો પ્રયાસ કરવામાં આવી રહ્યો છે. ઉલ્લેખનીય છે કે, બે દિવસથી ગુમ ત્રણેય લોકોના મૃતદેહ મળી આવ્યા છે. કાર લઇને જંગલમાં ગયા પછી ત્રણેય લોકો ગુમ થયા હતા. જેમાં મહિલા બીટ ગાર્ડ તેમના પતિ અને શ્રમિક એમ ત્રણ લોકોની હત્યા કરાઇ છે. 

  • પોરબંદરમાં વનકર્મી ગૂમ થવાનો મામલો
  • જંગલમાં લાપતા વનકર્મી સહિત 3 લોકોના મળ્યા મૃતદેહ
  • મૃત્યુ પાછળનું કારણ અકબંધ

આપને જણાવી દઇએ કે, મહિલા બીટ ગાર્ડના સસરાએ પોલીસને ગુમ થયાની જાણ કરતા સમગ્ર મામલો બહાર આવ્યો છે. મહિલાના પતિ કિર્તીભાઇ પોરબંદરના રાતડી ગામમાં શિક્ષક છે. અને મહિલા બીટ ગાર્ડ હેતલબેન સોલંકી પોરબંદરના ગોઢાણા બીટમાં ફરજ બજાવે છે. 

ત્રણેય લોકોના મૃતદેહ જંગલમાંથી મળી આવ્યા

ઉલ્લેખનીય છે કે, ત્રણેય લોકો બરડા ડુંગરામાં ગાડી લઇને ગયા હતા તે બાદ ગુમ થયા. ત્યારે વન વિભાગના સ્થાનિક કર્મચારીઓએ ત્રણેયની શોધખોળ કરી હતી પરંતુ મળ્યા ન હતા બે દિવસ બાદ હવે ત્રણેય લોકોના મૃતદેહ જંગલમાંથી મળી આવ્યા છે. મળતી માહિતી મુજબ ત્રણેયની હત્યા કુહાડીના ઘાથી કરાઇ છે. અને ત્રણ હત્યાઓ પછી પણ વન વિભાગ અને સ્થાનિક પોલીસ વિગતો છૂપાવી રહી છે. 

ગુજરાતી ન્યૂઝ Barda forest porbandar
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ