હલ્દિયામાં આવેલી ઈન્ડીયન ઓઈલ કોર્પોરેશનના પરિસરમાં મંગળવારે ભીષણ આગ ફાટી નીકળી હતી જેમાં 3 લોકો સળગી ગયા હતા તથા બીજા 35 લોકો ઘાયલ થયા હતા. ઘટનાની ખબર મળતાં ફાયર બ્રિગેડની ગાડીઓને રવાના કરવામાં આવી હતી તથા તાકીદના ધોરણે આગ બૂઝાવવાનું કામ શરુ કરી દેવાયું હતું.
મોક ડ્રીલ દરમિયાન વિસ્ફોટ થતા આગ લાગી
સૂત્રોના જણાવ્યાનુસાર, ઈન્ડીયન ઓઈલ કોર્પોરેશનના ડેપોમાં એક મોક ડ્રીલનું આયોજન કરાયું હતું. મોક ડ્રીલ દરમિયાન એક પ્લાન્ટમાં શટડાઉનનું કામ ચાલી રહ્યું હતું ત્યારે ડ્રિલિંગ દરમિયાન વિસ્ફોટ થતા આગ લાગી હતી.
ઘાયલો 60 ટકાથી વધારે બળી ગયા
ઘાયલોમાં મોટાભાગના લોકો આગની ચપેટમાં આવીને 60 ટકાથી વધારે બળી ગયા છે અને તેમની હાલત ગંભીર છે. જોકે IOCL તરફથી હજુ સુધી કોઈ સત્તાવાર પુષ્ટિ કરાઈ નહોતી.