રજા / ત્રણ દિવસ રોકડ ખર્ચ કરતા વિચાર કરજો, કેમ કે આ કારણોસર બેંક 3 દિવસ બંધ છે

• શુક્ર, શનિ અને રવિ એમ ત્રણ દિવસ બેંક બંધ
• સોમવાર પહેલા નહીં થાય બેંકના કામકાજ
• મહાશિવરાત્રીની રજા, ચોથો શનિવાર હોવાથી રજા

તેથી તમારે હવે બેન્કના કામ પતાવવા માટે સોમવાર સુધી રાહ જોવી પડશે. 21 ફેબ્રુઆરીએ મહાશિવરાત્રી હોવાથી બેન્કોમાં રજા રહેશે. સાથે જ 22 ફેબ્રુઆરીએ મહિનાનો ચોથો શનિવાર છે અને 23 ફેબ્રુઆરીએ રવિવાર છે. આથી 3 દિવસ બેંકો બંધ રહેશે. તેમજ ઘણી કોર્પોરેટ કંપની અને સરકારી કચેરીઓમાં પણ લોંગ વિક એન્ડ મળ્યો છે.

આ ત્રણ દિવસો દરમિયાન બેન્કો બંધ રહેશે. મીડિયા રિપોર્ટસ અનુસાર આ ત્રણ દિવસોમાં દેશના અનેક હિસ્સામાં એટીએમમાં પણ હેરાનગતી થઈ શકે છે. તેથી રોકડની હેરાનગતી ન થાય તે માટે પહેલાંથી જ રોકડની વ્યવસ્થા કરી લો. 

જો કે આ દરમિયાન ઑનલાઇન બેન્કિંગ પર કોઈ અસર નહી થાય. તમે ઑનલાઇન બેન્કિંગનો ઉપયોગ પહેલાની જેમ જ કરી શકશો. સાથે જ બેન્કમાં કામકાજ કરાવવા માટે તમારે ત્રણ દિવસ સુધી રાહ જોવી પડશે. બની શકે તો 3 દિવસ તમે ઓનલાઈન પેમેન્ટ પર ભાર મુકો. લોંગ વિક એન્ડને લઈને ઘણા બધા લોકો એ પ્રવાસના પ્લાન પણ બનાવ્યાં છે. જેના કારણે અનેક તીર્થ સ્થળોએ ભક્તોની ભીડ જોવા મળી રહી છે.