અમદાવાદના નિકોલમાં અસલી પોલીસ બુટલેગર બની. ઓઢવ પોલીસે દારૂ વેપાર કરતા કુલ ત્રણ પોલીસ કર્મીની ધરપકડ કરી છે. ત્રણેય પોલીસ કર્મીઓએ પોતાની ગેંગ બનાવી પુર્વ વિસ્તાર ખુલ્લેઆમ દારૂનો ધંધો શરૂ કર્યો હતો. ત્યારે જાણે કોણ છે આ પોલીસ કર્મચારીઓ અને કાયદાના રક્ષકમાંથી કેમ બનવું પડ્યું ભક્ષક...
પૈસા કમાવવા કરતા દારૂનું વેચાણ
કાયદાના રક્ષક હોવાથી ન હતો ડર
લોકડાઉનમાં પોલીસનો ફૂટ્યો ભાંડો
અમદાવાદના નિકોલ પોલીસ સ્ટેશન પોલીસના કોન્સ્ટેબલ રણજીતસિંહ પાવરા અને યુવરાજસિંહ રાઠોડ છેલ્લા ઘણા સમયથી દારૂની હેરાફેરી કરતા હતા. પરંતુ લોકડાઉન દરમિયાન પોલીસે ચેકિંગ કરતા આ પોલીસ કર્મચારીઓ ભાંડો ફૂટ્યો હતો. જેમાં પોલીસ કોન્સ્ટેબલ હિતેષ પટેલ દારૂ જથ્થા સાથે ઝડપાતા આ ત્રિપુટીનો પર્દાફાશ થયો હતો. હિતેષ પટેલની ધરપકડ થતા આ રણજીતસિંહ પાવરા અને યુવરાજસિંહ રાઠોડ બન્ને ફરાર થઈ ગયા હતા છ મહિના બાદ પોલીસે બાતમીના આધારે બન્ને ઝડપી લીધા છે.
દારૂ કેસમાં અગાઉ પકડાયેલ પોલીસ કર્મી હિતેષ પટેલ અને રણજીતસિંહ, યુવારજસિંહ નિકોલ પોલીસ સ્ટેશન ડિસ્ટાફમાં ફરજા બજાવતા હતા. પોલીસની ફરજ દરમિયાન તેઓ લાગ્યું કે કમાણી તો દારૂના ધંધામાં છે અને તેઓ પોલીસમાંથી બુટલેગર બની ગયા હતા. આ ત્રિપુટી કાયદાના ડર વગર દારૂની હેરાફેરી કરતા હતા. ત્યારે જે તે સમયના ઝોન-5 DCP રવિતેજા ધ્યાન પર આ ત્રિપુટી આવતા ત્રણેયની બદલી હેડ ક્વાટ્સ કરી દેવામાં આવી હતી છતાં પણ ત્રિપુટી દ્વારા દારૂનો વેપલો શરૂ રાખવામાં આવ્યો હતો અને લોકડાઉનમાં ચેકિંગ આ ત્રિપુટી ગેંગનો ભાંડો ફૂટ્યો હતો.
એક બાજુ કાયદાના રક્ષક બની ફરજા બજાવતા અને પૈસા કમાવવા બુટલેગર બનીને કાયદાનો દુરઉપયોગ કરતા ત્રણેય પોલીસ કર્મી જેલના સળિયા પાછળ ધકેલાયા છે. આ કિસ્સો સાબિત કરે છે કે કાયદો દરેક ગુનેગાર માટે એક જ છે.