ક્રાઇમ / ચાકુની અણીએ ત્રણ ભાઈઓએ યુવતી પર કર્યો ગેંગરેપ, ચૂંટણીને લઈને કડક સુરક્ષા વ્યવસ્થાના અહીં દાવા પોકળ

• ત્રણ ભાઈઓએ કર્યો એક યુવતી પર ગેંગરેપ 
• પોલીસે કહ્યું,"ત્રણે આરોપીઓ આજે જેલમાં છે"
• પોલીસે કહ્યું," પીડિતાને ન્યાય મળે તે માટે પ્રયાસ કરાશે"

વિધાનસભાની ચૂંટણીને લઇને બિહાર માં સુરક્ષા વ્યવસ્થા ખૂબ કડક છે, પરંતુ તેમ છતાં કિશનગંજ માં કેટલાક લોકોએ એક મહિલાને તેમની વાસનાનો શિકાર બનાવી હતી, ચૂંટણી વાળું રાજ્ય હોવાથી હાલમાં મોટી સંખ્યામાં જવાનો અને પોલીસ તૈનાત છે છતાં પણ આવી ઘટના બનતા હાલમાં તંત્રની કામગીરી પર સવાલો ઉઠી રહ્યા છે. 

છરીની અણીએ કારમાં ખેંચીને દુષ્કર્મ કર્યું 

કિશનગંજ માં છરીના પોઇન્ટ પર ત્રણ ભાઈઓએ એક યુવતી પર ગેંગરેપ કર્યો હતો. આ અંગે માહિતી આપતાં પોલીસે જણાવ્યું કે ત્રણેય આરોપીઓની ધરપકડ કરીને હાલમાં જેલમાં મોકલી દેવામાં આવ્યા છે. 

કિશનગંજ એસપી કુમાર આશિષે જણાવ્યું હતું કે પીડિતા ઘાસ કાપતી હતી તે સમયે ત્રણેય આરોપીઓએ યુવકોએ યુવતીને છરી દેખાડી તેને બળજબરી પૂર્વક કારમાં ખેંચી લીધી હતી, ત્યારબાદ તેને એકાંત સ્થળે લઈ જતાં ત્રણેય ભાઈઓએ તેના પર દુષ્કર્મ ગુજાર્યો હતો.

મેડિકલ તપાસમાં પણ દુષ્કર્મની પુષ્ટિ થઈ છે

પોલીસ અધિકારીએ જણાવ્યું કે પીડિતાની કિશનગંજની સદર હોસ્પિટલમાં સારવાર ચાલી રહી છે અને મેડિકલ તપાસમાં પણ દુષ્કર્મની પુષ્ટિ થઈ છે. ત્રણેય આરોપીઓ વિરુદ્ધ મહિલા પોલીસ સ્ટેશનમાં કેસ નોંધવામાં આવ્યો છે અને તેઓની ધરપકડ કરવામાં આવી છે.

એસપીએ જણાવ્યું હતું કે પીડિતાને ન્યાય મળે તે માટે આરોપીને વહેલી તકે અદાલતમાં સજા થાય તે માટે પ્રયાસ કરવામાં આવશે.