રેલી / અમિત શાહની રેલીમાં લાગ્યા હતા 'દેશના ગદ્દારો કો, ગોલી મારો...'ના નારા, 3 BJP કાર્યકર્તાઓની ધરપકડ

• ગૃહ મંત્રી અમિત શાહ ગત રવિવારે કોલકાતાની મુલાકાતે હતા
• CAA સાથે જોડાયેલા લોકોનો ભ્રમ દૂર કરવાને લઇને રેલીઓને સંબોધિત કરી હતી
• આ પહેલા દિલ્હીમાં થયેલી ભડકાઉ નારેબાજી પર કોર્ટે FIR નોંધાવવા કહ્યું હતું

અહીં દિલ્હીમાં કેન્દ્રીય મંત્રી અનુરાગ ઠાકુર (Anurag Thakur) દ્વારા એક જનસભામાં કરવામાં આવેલા નારા, 'દેશના ગદ્દારોને, ગોળી મારો ...' સાંભળવા મળ્યા. હવે પોલીસે આ નારેબાજી કરવા પર 3 બીજેપી કાર્યકર્તાઓની ધરપકડ કરી છે. 

પ્રાપ્ત જાણકારી અનુસાર, રેલીને સંબોધિત કરતા અમિત શાહે નાગરિકતા કાયદાના સમર્થનમાં વાત કરી અને પશ્ચિમ બંગાળના મુખ્યમંત્રી મમતા બેનર્જી પર આ કાયદાને રોકવા માટે 'હિંસાને ભડકાવવી' અને 'ટ્રેનોને સળગાવવા' નો આરોપ લગાવ્યો. સ્થળ પરથી મળેલી વીડિયો ફૂટેજમાં લોકોએ ભગવા રંગના કપડા પહેર્યા હતા અને બીજેપીના ઝંડા લહેરાવતા નારેબાજી કરતા જોઇ શકાય છે. આ દરમિયાન લોકોને એમ કહેતા સાંભળી શકાય છે કે, એ તમામ લોકોને ગોળી મારી દો જે દેશને દગો કરી રહ્યા છે.'

વીડિયો વાયરલ થયા બાદ બીજેપી કાર્યકર્તાઓ વિરુદ્ધ ન્યૂ માર્કેટ પોલીસ સ્ટેશનમાં ભડકાઉ નારેબાજીની વિરુદ્ધ ફરિયાદ નોંધવામાં આવી. આ ફરિયાદ નોંધાયા બાદ પોલીસે 3 કાર્યકર્તાઓની ધરપકડ કરી લીધી છે. હાલ તો આ મામલે પોલીસ તપાસ કરી રહી છે. 

નોંધનીય છે કે, દિલ્હી વિધાનસભા ચૂંટણી દરમિયાન અનુરાગ ઠાકુરે મંચ પરથી ભડકાઉ નારેબાજી કરતા ઘણો વિવાદ થયો હતો. ન માત્ર અનુરાગ ઠાકુર પરંતુ બીજેપી સાંસદ પ્રવેશ વર્મા, કપિલ મિશ્રાએ પણ વિવાદીત નારેબાજી કરી હતી. બીજેપી નેતાઓના ભડકાઉ નિવેદનોના વીડિયોને હાઇકોર્ટમાં બતાવાયા હતા. જે બાદ કોર્ટે પોલીસને નોટિસ મોકલી હતી અને એફઆઇઆર નોંધાવી હતી.