મુંબઇઃ IMDC વિસ્તારમાં જુની 500-1000ની નોટો સાથે 3 આરોપીઓની ધરપકડ

મુંબઈઃ શહેરના અંધેરીના IMDC વિસ્તારમાં આવેલી વિટ્સ હોટલમાંથી પોલીસે 4 કરોડ 93 લાખ રૂપિયાની જૂની નોટો ઝડપી પાડી છે. આ દરમિયાન પોલીસે 3 આરોપીઓની પણ ધરપકડ કરી છે. આ ત્રણેય આરોપીઓ હૈદરાબાદના રહેવાસી છે. પોલીસે આરોપીઓની ધરપકડ કરીને કાર્યવાહી હાથ ધરી છે.

પોલીસને બાતમી મળી હતી કે હૈદરાબાદના ત્રણેય હિસ્ટરી શૂટર મુંબઈના વિટ્સ હોટલમાં રેકાયેલા છે. તેઓ જૂની નોટોને બદલાવવા માટે મુંબઈ પહોંચ્યા હતા. ત્યાર બાદ પોલીસ દ્વારા આ હોટલમાં દરોડા પાડવામાં આવ્યા હતા.

આ ત્રણે આરોપીઓ પાસેથી પોલીસે 4 કરોડ 93 લાખ રૂપિયાની જૂની નોટો ઝડપી પાડી હતી. પોલીસે આરોપીઓ સામે CRPCની કલમ 41 Dના હેઠળ કેસ દાખલ કરીને કાર્યવાહી હાથ ધરી છે.

પોલીસ આ ઘટનાની તપાસ કરી રહી છે કે ઝડપાયેલ ત્રણેય આરોપીઓ હૈદારબાદથી મુંબઇ જુની 500-1000ની નોટોની સાથે કોને મળવા માટે આવ્યા હતા? અને આ જુની નોટ કોની છે?

પોલીસને શંકા છે કે આ જુની નોટની કેસમાં કેટલાક બીજા લોકો પણ સામેલ હોઇ શકે છે. પોલીસ આ ત્રણેય આરોપીઓને આજે અદાલતમાં રજૂ કરશે.