રાજ્યમાં રોજબરોજ અકસ્માતની ઘટનાઓ બને છે જેનો નિર્દોષ લોકો પણ ભોગ બને છે. ત્યારે આજે(મંગળવાર) રાજ્યમાં અલગ અલગ 3 ગમખ્વાર અકસ્માત થયા હતા. જેમાં કુલ 7 લોકોના મોત થયા છે.
આજે અલગ અલગ 3 અકસ્માતમાં કુલ 9 લોકોના મોત
પાલનપુર-આબુ હાઇવે પર ગમખ્વાર અકસ્માતમાં 3ના મોત
ધ્રેવાડ નજીક ડમ્પર-કાર વચ્ચે ટક્કર, 4ના મોત
આજે મંગળવાર અમંગળ સાબિત થયો છે. રાજ્યમાં અલગ અલગ 3 અકસ્માતમાં કુલ 9 લોકોના જીવ ગયા છે. પાલનપુર-આબુ હાઇવે પર ગમખ્વાર અકસ્માત સર્જાયો હતો. મલાણાના પાટિયા નજીક રાજસ્થાન તરફથી આવતી ફોર્ચુનર કાર ડિવાયડર કુદીને સામે આવતી એસન્ટ કાર સાથે અથડાઇ હતી. આ અકસ્માતમાં એસન્ટ કારમાં સવાર 3 યુવકોના ઘટના સ્થળે મૃત્યુ થયા હતા. ગેરેજમાં કામ કરતા ત્રણ ચૌહાણ પરિવારના યુવકોના મોતથી પરિવારમાં માતમ છવાયો છે. મૃતદેહોને પોસ્ટમોર્ટમ માટે પાલનપુર સિવિલ હોસ્પિટલમાં ખસેડાઇ છે. પાલનપુર સિવિલ હોસ્પિટલમાં લોકોના ટોળા એકત્રિત થયા છે.
દ્વારકાના ધ્રેવાડ નજીક ડમ્પર-કાર વચ્ચે ટક્કર, 4ના મોત
જામનગર-દ્વારકા હાઇવે પર ધ્રેવાડ તાલુકામાં ડમ્પર અને અલ્ટો કાર વચ્ચે ગમખ્વાર અકસ્માત સર્જાયો હતો. ડમ્પરે કારને ટક્કર મારતા કારનો કચ્ચરઘાણ વળી ગયો હતો. જેમાં કુલ 4 લોકોના કરૂણ મૃત્યુ નીપજ્યા છે. મળતી માહિતી અનુસાર 3 પુરૂષના ઘટનાસ્થળે અને 1 મહિલાનું સારવાર દરમિયાન મોત નીપજ્યું છે.
બોડેલીના અકસ્માતમાં 2 લોકોના મોત
આજે બોડેલીના ગોવિંદપુરા ગામ નજીક થયેલા ગમખ્વાર અકસ્માતમાં 2 લોકોના મોત થયા હતા. જેમાં એક વ્યક્તિને ગંભીર ઇજાઓ પહોંચતા સારવાર અર્થે હોસ્પિટલ ખસેડાયો હતો.