સેટેલાઈટ વિસ્તારના કોર્પોરેટરે ધમકી આપીને ગેરેજ સીલ કરાવ્યુ. અંગત અદાવતમાં સત્તાનો દુરઉપયોગ કરીને કોર્પોરેટર દિપ્તી અમરકોટિયાએ ફાયર સેફ્ટીના નામે ગેરેજને સીલ કર્યુ. આ મામલે વસ્ત્રાપુર પોલીસ સ્ટેશનમાં ગેરેજના માલિકા મહિલા કોર્પોરેટર સામે ફરિયાદ પણ કરી છે. આ પહેલા કુબેનગરના કોર્પોરેટર કિશોર થાવાણીએ સ્થાનિક સાથે દાદાગીરી કરી હતી. કોમર્શિયલ એકમોમાં ગેરકાયદે પાણીના કનેકશન કાપવા માટે મ્યુનિસિપલ ટીમ સાથે પહોંચેલા કોર્પોરેટર કિશોર થાવાણીએ સ્થાનિકને માર માર્યો હતો. આ ઘટનાનો સ્થાનિકો વીડિયો ઉતારી રહ્યા હતા. જેથી કોર્પોરેટર ઉશ્કેરાયા હતા અને સ્થાનિકને માર માર્યો હતો. જેનો પણ વીડિયો વાયરલ થયો હતો. આ મામલે કિશોર થાવાણી સામે સરદારનગર પોલીસ સ્ટેશનમાં અરજી પણ થઈ હતી. કોર્પોરેટરની દાદાગીરીના કારણે લોકો પરેશાન થયા છે. લોકો પોતાના કામ કરાવવા માટે કોર્પોરેટરોને ચૂંટતા હોય છે. જોકે કોર્પોરેટરો તેમના કામ તો નહી પરંતુ તેમના સાથે દાદાગીરી કરતા નજરે ચઢ્યા છે.