મુસાફરો પરેશાન / એક ભૂલ..., અને 800થી વધારે ફ્લાઇટ્સ દિલ્હી એરપોર્ટ પર લેટ પડી, સામે આવ્યું ચોંકાવનારું કારણ

રવિવારે દિલ્હીના ઇન્દિરા ગાંધી આંતરરાષ્ટ્રીય વિમાનમથક પર લગભગ 68% ફ્લાઇટ્સ મોડી પડી હતી. આના કારણે ઘણા લોકોને મુશ્કેલીઓનો સામનો કરવો પડ્યો અને તેમના ગંતવ્ય સ્થાન પર પહોંચવામાં મોડું થયું હતું.

DIAL એ જણાવ્યું હતું કે જ્યારે એરલાઇન્સને રનવે અપગ્રેડ વિશે અગાઉથી જાણ કરવામાં આવે છે, ત્યારે તેનો હેતુ મુસાફરોની સલામતી અને સુવિધાના હિતમાં માહિતીના આધારે એરલાઇન્સને ફ્લાઇટ્સ ફરીથી શેડ્યૂલ અથવા રદ કરવા સક્ષમ બનાવવાનો છે. જોકે, દિલ્હી એરપોર્ટ પર બહુ ઓછા કે પછી કોઈ ફેરફાર કરવામાં આવ્યા જ ન હતા. કમનસીબે, આ મર્યાદિત કાર્યવાહી/બિન-કાર્યવાહીથી દિલ્હી એરપોર્ટ અને એટીસી સહિત તમામ હિસ્સેદારો માટે ફ્લાઇટ કામગીરી માટે પડકારો ઉભા થયા.

રવિવારે રાત્રે 11.30 વાગ્યા સુધી 501 ડિપાર્ચર અને 384 અરાઇવલ મોડા પડતા હજારો મુસાફરોને અસર થઈ હતી. આ પ્રમાણ એરપોર્ટ દ્વારા દરરોજ હેન્ડલ કરવામાં આવતી અંદાજિત ૧,૩૦૦ ફ્લાઇટ્સના ૬૮% કરતા વધારે છે. વધુમાં, ડિપાર્ચરમાં સરેરાશ એક કલાકનો વિલંબ થયો હતો, અને અરાઇવલમાં 75 મિનિટનો વિલંબ થયો હતો.

આ પણ વાંચોઃ ગરમીથી રાહતના અણસાર નહીં, દેશના અનેક રાજ્યોમાં હિટવેવનું એલર્ટ, જાણો કેવુ રહેશે ગુજરાતનું હવામાન

સીએમ ઓમર અબ્દુલ્લાએ પણ પ્રશ્નો ઉઠાવ્યા

રવિવારે સવારે જમ્મુ અને કાશ્મીરના મુખ્યમંત્રી ઓમર અબ્દુલ્લાએ પણ લાંબા વિલંબ માટે એરપોર્ટની ટીકા કરી હતી. તેમણે સોશિયલ મીડિયા હેન્ડલ X પર લખ્યું, જમ્મુ છોડ્યાના 3 કલાક પછી અમને જયપુર તરફ વાળવામાં આવ્યા છે અને તેથી અહીં મને સવારે 1 વાગ્યે પ્લેનની સીડીઓ પર તાજી હવા મળી રહી છે. મને ખબર નથી કે આપણે અહીંથી કેટલા વાગ્યે નીકળીશું.

આ વિક્ષેપ અંગે, એરપોર્ટ ઓપરેટરે જણાવ્યું હતું કે એરલાઇન્સ ચાર મહિના પહેલા જારી કરાયેલી વિક્ષેપ અંગેની ચેતવણીઓનું ધ્યાન રાખવામાં નિષ્ફળ રહી હતી અને તેમના ફ્લાઇટ શેડ્યૂલને સમાયોજિત કરવાની તસ્દી લીધી ન હતી.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ