અરૂણાચલ પ્રદેશના પૂર્વી કામેંગ જિલ્લામાં એક હેરાન કર મુકે તેવી તસવીરો સામે આવી છે, જ્યાં કામેંગ નદીનું પાણી અચાનક કાળુ દેખાવા લાગ્યું અને હજ્જારોની સંખ્યામાં માછલીઓનું મોત થયું છે.
અરૂણાચલ પ્રદેશની કામેંગ નદીનું પાણી પડ્યું કાળુ
હજ્જારો માછલીઓના અચાનક મોતથી હડકંપ
સ્થાનિકોએ ચીનની કરતૂત ગણાવી
આ જાણકારી અધિકારીઓએ આપી છે. જિલ્લા મત્સ્ય પાલન અધિકારીએ કહ્યું કે, કેટલાક ઓગાળેલા પદાર્થો પાણીમાં ભળવાને કારણે નદીનું પાણી કાળું પડી ગયું છે, તો માછલીઓના પણ તેના કારણે જ મોત થયાં છે.
હજ્જારો માછલીઓના થયાં મોત
જિલ્લા મત્સ્ય વિકાસ અધિકારી હાલી તાજોએ કહ્યું કે, જિલ્લા મુખ્યાલય સેપ્પામાં શુક્રવારે નદીમાં હજારો માછલીઓ મૃત હાલતમાં મળી આવી છે. પ્રારંભિક તારણો જોતા મોતનું કારણ TDSની મોટી સંખ્યામાં મળી આવ્યો છે, જેના કારણે પાણીમાં રહેલ જળચરોને શ્વાસ લેવામાં તકલીફ પડે છે જેના કારણે માછલીઓના મોત થયાં હતા.
મોટી સંખ્યામાં મળી આવ્યો TDSની માત્રા
તેમણે એક રિપોર્ટનો હવાલો આપતા કહ્યું કે, નદીમાં ટીડીએસ 6,800 મિલીગ્રામ પ્રતિ લીટર મળી આવ્યો છે, જેની સામાન્ય મર્યાદા 300-1,200 મિલીગ્રામ પ્રતિ લીટરથી વધુ હતો. તાજોએ લોકોને માછલીનું સેવન ન કરવા માટે પણ અપીલ કરી છે, કારણે કે, આ માછલી ખાવાથી આરોગ્ય લક્ષી મોટી સમસ્યા થઈ શકે છે. પૂર્વી કામેંગ જિલ્લા વહીવટી તંત્રએ એક એડવાઈઝરી જાહેર કરીને માછીમારી કરતા લોકોને માછીમારી ન કરવા અને આ તળાવની માછલીઓનું વેચાણ તાત્કાલિક અટકાવવાના આદેશ પણ આપ્યા છે.
આવી ઘટના પહેલા ક્યારે નથી બની
સેપ્પાના રહેવાસીઓએ નદીમાં ટીડીએસમાં વધારા માટે ચીનને દોષી ઠેરાવ્યું છે અને આરોપ લગાવ્યો છે કે, પડોશી દેશ દ્વારા નિર્માણ ગતિવિધિઓને કારણે પાણીનો રંગ કાળો થઈ ગયો છે. સેપ્પાના પૂર્વ ધારાસભ્ય ટપુક તાકૂએ રાજ્ય સરકાર પાસે કામેંગ નદીના પાણીના અચાનક ફેરફાર અને મોટી સંખ્યામાં માછલીઓના મોતનું કારણની તાત્કાલિક અસરથી તપાસ કરવાના અને નિષ્ણાંત સમિતિનું ગઠન કરવાની અપીલ કરી છે. કારણ કે, કામેંગ નદીમાં આ પ્રકારની ઘટના પહેલા ક્યારેય બની નહોંતી.
2017માં સિયાંગ નદીનું પાણી પડી ગયું હતું કાળું
તેમણે વધુમાં કહ્યું કે, આવી જ સ્થિતિ જો વધુ સમય માટે યથાવત રહેશે તો નદીમાંથી જળજીવન સંપૂર્ણ રીતે સમાપ્ત થઈ જશે. પાણીના રંગમાં અચાનક બદલાવના કારણે બેલ્ટના ઉપરના જિલ્લાઓમાં ભારે ભૂસ્ખલન પણ થઈ શકે છે. ઉલ્લેખનીય છે કે, આ પહેલા પૂર્વી સિયાંગ જિલ્લાના પાસીઘાટમાં સિયાંગ નદી નવેમ્બર 2017માં કાળી પડી હતી.