IPLIN
 

તોળાતું સંકટ / હજારોની સંખ્યામાં જર્જરિત મકાનોમાં રહેતા અમદાવાદીઓ ક્યારે સ્માર્ટ સીટીમાં રહેવા જશે!

Team VTV 05:20 PM, 05 Sep 19
Follow us
Thousands of Dilapidated homes in Ahmedabad

અમદાવાદમાં તાજેતરમાં જ અમરાઇવાડી વિસ્તારમાં 100 વર્ષ જૂની એક 3 માળની બિલ્ડીંગ ધરાશાયી થઇ હોવાનું સામે આવ્યું છે. જેમાં 10 જેટલાં લોકો દટાયાં છે. અમરાઇવાડીનાં જનતાનગર ટોરેન્ટ પાવરની સામે 100 વર્ષ જૂની આ બિલ્ડીંગ એકાએક ધરાશાયી થતા આ દુર્ઘટનામાં અત્યાર સુધીમાં 2 મહિલાઓનાં મોત થયા હોવાનું સામે આવ્યું છે. જો કે હાલમાં ફાયર વિભાગ દ્વારા પૂરજોશમાં રેસ્ક્યુ ઓપરેશન હાથ ધરાયું છે. જો કે આ મકાન ધરાશાયી થયા બાદ અમદાવાદ કોર્પોરેશનની ઘોર બેદરકારી સામે આવી છે.

Amraiwadi building collapses

આ ઘટનાને ધ્યાનમાં રાખતા સ્માર્ટ સીટી કહેવાતા એવાં અમદાવાદમાં કોર્પોરેશનની ઘોર બેદરકારીને લઇ વધુ એક ખુલાસો સામે આવ્યો છે. અમદાવાદમાં હજારોની સંખ્યામાં મકાનો હાલમાં પણ જર્જરિત હાલતમાં છે. શહેરમાં વર્ષો જુના મકાનો એવાં છે કે જે જર્જરિત હાલતમાં છે.

જુના અમદાવાદ વિસ્તારમાં મોટી સંખ્યામાં જર્જરિત મકાનો યથાવત હાલતમાં છે. શહેરનાં સરસપુર, દરિયાપુર ખમાસા, શાહપુર જેવાં વિસ્તારોમાં જર્જરિત મકાનો જોવાં મળી રહ્યાં છે. આવા મકાનો ગમે ત્યારે કાટમાળમાં  ફેરવાઇ જાય તેવી હાલતમાં જોવાં મળી રહ્યાં છે.

Amraiwadi building collapses

મહત્વનું છે કે શહેરમાં જ્યારે આવાં હજારોની સંખ્યામાં મકાનો જર્જરિત હાલતમાં છે ત્યારે બની શકે છે કે ચોમાસામાં આ ભયજનક મકાનોની તૂટવાની શક્યતાઓ વધી જાય છે. શહેરનાં કોટ વિસ્તારમાં નાનાં-મોટાં મળીને આશરે ત્રણ હજારથી પણ વધુ મકાનો જર્જરિત હાલતમાં છે. શહેરનાં કોટ વિસ્તારનાં આ ભયજનક મકાનનો ક્યારેય સર્વે જ નથી કરાયો.

આ હજારો મકાનોમાં હજારો નાગરીકો પોતાનાં જીવનાં જોખમે આ મકાનોમાં વસવાટ કરી રહ્યાં છે. વર્ષમાં કેટલાંય મકાનો તૂટી પડવાની ઘટનાઓ બની રહી છે. કોર્પોરેશન તંત્રની ઉદાસીનતાના કારણે આ ઘટનાઓ ઘટી રહી છે. તમને જણાવી દઇએ કે કોર્પોરેશનનાં સ્લમ કવાર્ટર્સ અને ફાયરબ્રિગેડનાં કવાર્ટર્સ પણ રહેવાલાયક નથી.

ahmedabad અમદાવાદ Dilapidated homes જર્જરિત મકાન જર્જરિત હાલત Dilapidated condition gujarat
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ