લ્યો બોલો / દેશમાં અહીં લગ્ન કર્યા વગર એકસાથે રહે છે હજારો દંપત્તિઓ, કારણ જાણીને વિશ્વાસ નહીં થાય

• અહીં દંપત્તિ લગ્ન કર્યા વગર લિવ ઈનમાં રહે છે
• ઝારખંડમાં આદિજાતિ વિસ્તારોમાં હજારો દંપત્તિ આ રીતે રહે છે
• સ્વયંસેવી સંસ્થાઓએ કાયદાકીય નામ આપવા ઉપાડ્યુ છે અભિયાન

આવા સંબંધોને કહેવામાં આવે છે ઢુકુ

આવા હજારો દંપત્તિઓ ઝારખંડમાં રહે છે. તમને જાણીને વિશ્વાસ નહીં આવે કે ઝારખંડમાં હજારો જોડી લિવ ઈન રિલેશનશિપમાં રહે છે. હવે આવા સંબંધોને કાયદાકીય અને સામાજિક માન્યતા આપવાનુ અભિયાન ચાલી રહ્યું છે. આદિજાતિ વિસ્તારોમાં લિવ ઈનના આ સંબંધને ઢુકુ નામથી ઓળખે છે. આવી જોડી એક છત નીચે એકસાથે ઘણા વર્ષો પસાર કર્યા બાદ પણ પોતાના સંબંધને લગ્નનું નામ નથી આપતી. જેની પાછળનું કારણ મોટું છે. 

સ્વયંસેવી સંસ્થાઓએ કરી છે મોટી પહેલ

આવા લોકો માટે સ્વયંસેવી સંસ્થાઓએ એક પહેલ કરી છે. જે અંતર્ગત ઢુકુ સંબંધવાળી જોડી સામાજિક અને કાયદાકીય રીતે લગ્નના બંધનમાં બંધાઈ જશે. સંસ્થાની સેક્રેટરી નિકિતા સિન્હાએ જણાવ્યું કે ખૂંટી બાદ આ જિલ્લાના મુરહૂ અને કર્રા બ્લોકમાં પણ દરેક જગ્યાએ સામૂહિક વિવાહ કાર્યક્રમ નક્કી કરવામાં આવ્યાં છે. જે સંદર્ભે ચાલુ વર્ષે ફેબ્રુઆરી-માર્ચમાં ઝારખંડના ખૂંટી અને ગુમલા જિલ્લામાં 1320 જોડીના સામૂહિક વિવાહ કરાવવાના છે. 

શું છે આ પ્રથાનો અર્થ?

ઢુકુ શબ્દનો અર્થ છે ઢુકના અથવા ઘુસવુ. જ્યારે કોઈ મહિલા લગ્ન કર્યા વગર કોઈ પુરૂષના ઘરમાં ઘુસી જાય છે અથવા રહેવા લાગે છે તો તેને ઢુકનીના નામથી ઓળખવામાં આવે છે અને આવી જોડીને ઢુકુ કહેવામાં આવે છે. આવી મહિલાઓને આદિજાતિ સમાજ સિંદૂર લગાવવાની પણ મંજૂરી આપતો નથી. હવે સ્વયંસેવી સંસ્થાઓ આવા સંબંધોને માન્યતા અપાવવામાં જોડાયો છે.