અરે બાપરે ! / આ ઓમિક્રૉન તો ફરી આયો: ચીન બાદ હવે યુરોપનો દેશ બન્યો હોટસ્પૉટ, હોસ્પિટલો થઈ ફુલ

• કોરોનાના નવા વેરિએન્ટનો કહેર
• સમગ્ર દુનિયામાં ફેલાઈ રહ્યો છે વાયરલ
• હોસ્પિટલો થવા લાગી ફુલ

કોરોના વાયરસનો સૌથી ઝડપી ફેલાતો ઓમિક્રોન વેનિએન્યનું સ્વરૂપ BA.2 યુરોપમાં કહેર મચાવી રહ્યો છે. ઈટલીમાં બે દિવસમાં 90 હજારથી પણ વધારે સંક્રમિત લોકો મળ્યા છે. તો વળી ફ્રાંસમાં હોસ્પિટલોમાં ભરતી થનારા લોકોની સંખ્યામાં ખૂબ જ ઝડપી વધારો થઈ રહ્યો છે. ચીનના શંધાઈમાં દર્દીઓ વધતાં જાય છે. એશિયાઈ દેશોમાં કોરોના મામલામાં સ્થિરતા દેખાઈ રહી છે. હોંગકોંગમાં સ્થિતિ સુધરી રહી છે. 

બીએ.2 આ મહિને યુરોપમાં અને ચીનના અમુક ભાગમાં ઝડપથી ફેલાઈ રહ્યો છે. ફ્રાંસ, ઈટલી, જર્મની અને બ્રિટેનમાં કોવિડના કેસોમાં વધારો થઈ રહ્યો છે. ચીનના શાંઘાઈમાં આ વેરિએન્ટનો નવો હોટસ્પોટ બની ગયું છે. તો વળી સોમવારે 4400 નવા કેસ મળ્યા છે. શહેરના કેટલાય વિસ્તારોમાં લોકડાઉન લગાવાામં આવી ચુક્યું છે. 

આ દેશોમાં શું છે હાલત

• ફ્રાંસ- છેલ્લા 24 કલાકમાં ફ્રાંસની હોસ્પિટલોમાં ભરતી ખનારા લોકોની સંખ્યા 467 વધીને 21,073 થઈ ગઈ છે. ફેબ્રુઆરી બાદ આ એક જ દિવસમાં આવનારા સૌથી વધારે કેસો છે. 
• હોંગકોંમગ- સોમવારે 7685 નવા કોવિડ કેસો મળ્યા છે. વિશ્વના આ નાણાકીય હબમાં સ્થિતિ હવે સ્થિર થઈ રહી છે. 
• ચીન- પ્રમુખ વ્યવસાયિક શહેર શાંઘાઈમાં 4400 નવા કેસો મળ્યા છે. બે વર્ષ બાદ ચીનમાં ઝડપથી ફેલાઈ રહ્યો છે. શાંઘાઈમાં લોકડાઉન સહિત કેટલાય પ્રતિબંધો લગાવામાં આવ્યા છે. 
• ઈટલી- ફક્ત બે દિવસમાં 90થી વધારે કેસો આવ્યા છે. સોમવારે 30,710 નવા સંક્રમિતો મળ્યા. રવિવારે અહીં 59,555 કેસો મળ્યા હતા. 
• ભારત- અન્ય દેશોમાં જ્યાં કોરોનાના નવા કેસો વધી રહ્યા છે, તો વળી ભારતમાં ઘટાડો થઈ રહ્યો છે. આ જ કારણે અમેરિકાએ ભારત યાત્રાને લઈને પ્રતિબંધોમાં ઢીલ આપી છે. ભારતની કોવિડ રેટીંગ લેવલ 3 અથવા હાઈ રિસ્કવાળા દેશોમાંથી ઘટીને લેવલ 2 એટલે કે, ઓછા રિસ્ક વાળા દેશોમાં આવી છે. 

વૈશ્વિક રસીકરણમાં અસામનતા જવાબદાર

માનવામાં આવી રહ્યું છે કે, કોરોનાના નવી રીતે માથુ ઉચકવા પાછળ વૈશ્વિક રસીકરણમાં અસામનતા જવાબદાર છે. વિકસિત દેશો દ્વારા તૈયાર વેક્સિનના પેંટેંટને ખતમ કરવાની માગ ઉઠી રહી છે. જેથી દુનિયાભરની દવા કંપનીઓ તેનું ઉત્પાદન કરીને પોતાના દેશોમાં રસીકરણ ઝડપી બનાવી શકે. હાલમાં રસી મોંઘી હોવાના કારણે ગરીબ દેશોની પહોંચ બહાર છે. જો કે, સંયુક્ત રાષ્ટ્ર રસીકરણ અભિયાનમાં વેક્સિન કંપનીઓને યોગદાન આપી રહ્યું છે, પણ એટલું પુરતુ નથી.

કોરોના ગયો નથી- WHO

આ બાજૂ વિશ્વ સ્વાસ્થ્ય સંગઠન WHOએ ચેતવણી આપી છે કે, મહામારી હજૂ ખતમ થઈ નથી. કોરોના હજૂ ગયો નથી. ચીનમાં અત્યાર સુધીમાં સૌથી ઝડપી ફેલાતો આ વાયરસ ચિંતાજનક છે. હજૂ એ કહેવુ રહ્યું કે, ઓમિક્રોનના બીએ.1 તથા બીએ.2 વેરિએન્ટ મળીને જો કોઈ નવો વેરિએન્ટ બન્યો તો, દુનિયા માટે વધુ પડકાર જનક બની શકે છે.