નવો રેકોર્ડ / તમે એક મિનિટમાં કેટલા પુશ અપ કરી શકો? ભારતના આ યુવાને તોડ્યો ગિનિસ વર્લ્ડ રેકોર્ડ, VIDEO જોઈને વિશ્વાસ નહીં થાય

• મણિપુરી યુવાએ પુશ-અપ કરવાનો નવો ગિનીઝ વર્લ્ડ રેકોર્ડ બનાવ્યો
• જૂના રેકોર્ડને તોડવા માટે એક મિનિટમાં 109 ફિંગર-ટિપ પુશ અપ પૂર્ણ કર્યા
• કેન્દ્રીય મંત્રી કિરન રિજિજૂએ એજન્સીના વીડિયોને ટ્વિટ કરી લખ્યું

મણિપુરના યુવાને બનાવ્યો ગિનીઝ વર્લ્ડ રેકોર્ડ 

એએનઆઈના એક રિપોર્ટ મુજબ, ગિનીઝ બુક ઑફ વર્લ્ડ રેકોર્ડ્સનો પ્રયાસ એજ્ટેક સ્પોર્ટસ મણિપુર દ્વારા ઈમ્ફાલના એજ્ટેક ફાઈટ સ્ટૂડિયોમાં આયોજીત કરવામાં આવ્યો. એએનઆઈએ રેકોર્ડ તોડવાના પ્રયાસના એક વીડિયોને ટ્વિટર પર શેર કર્યો છે. વીડિયોના કેપ્શનમાં લખ્યું, મણિપુરના થૌનાઓજમ નિરંજોય સિંહે ગયા અઠવાડિયે એક મિનિટમાં સૌથી વધુ પુશ-અપ કરીને ગિનીઝ બુક ઑફ વર્લ્ડ રેકોર્ડ તોડી નાખ્યો. કેન્દ્રીય મંત્રી કિરન રિજિજૂએ પણ આ વીડિયોને ટ્વિટ કરી લખ્યું, મણિપુરી યુવા ટી નિરંજોય સિંહની અવિશ્વસનીય શક્તિને જોવી અદભૂત છે, જેણે એક મિનિટમાં સૌથી વધુ પુશ-અપ્સ માટે ગિનીઝ બુક ઑફ વર્લ્ડ રેકોર્ડ તોડ્યો. મને તેની સિદ્ધી પર ખૂબ ગર્વ છે.

Amazing to see unbelievable power of Manipuri youth T. Niranjoy Singh who broke the Guinness Book of World Records for most push-ups (finger tips) in one minute 💪
I'm so proud of his achievement !! pic.twitter.com/r1yT0ePn3f

— Kiren Rijiju (@KirenRijiju) January 22, 2022

થૌનાઓજમ પહેલા પણ એક ભારતીયએ બનાવ્યો હતો રેકોર્ડ

અન્ય એક ભારતીયે જેણે હાલના દિવસોમાં ગિનીઝ બુક ઑફ વર્લ્ડ રેકોર્ડ્સમાં એન્ટ્રી લીધી છે, તે છે પ્રતીક વિઠ્ઠલ મોહિતે. મહારાષ્ટ્રના મોહિતેએ સૌથી ઓછી પ્રતિસ્પર્ધી બૉડી બિલ્ડર (પુરૂષ)નો ગિનીઝ વર્લ્ડ રેકોર્ડ પ્રાપ્ત કર્યો. મોહિતે 102 સેન્ટીમીટર લાંબો છે. 2020માં ચેન્નઈના એક યુવકે શ્વાસ રોકી છ રૂબિક ક્યુબ પાણીની અંદર સોલ્વ કરી નવો ગિનીઝ વર્લ્ડ રેકોર્ડ  બનાવ્યો હતો.