હેલ્થ / રસોઈમાં દરરોજ ગરમ મસાલાનો ઉપયોગ કરનારા ચેતે! ગેસ-એસિડિટી સહિતની બીમારીઓનો ખતરો

ગરમ મસાલા ઉમેરીને કોઈપણ વાનગીના સ્વાદને બેહતર બનાવી શકાય છે, તે શાકાહારી અને માંસાહારી બંને વાનગીઓમાં એક મહત્વનો ભાગ ભજવે છે. ગરમ મસાલા, તજ, લવિંગ, ઈલાયચી અને કાળા મરી જેવા ગરમ મસાલાઓનું મિશ્રણ અનેક સંભવિત સ્વાસ્થ્ય લાભો આપે છે. પરંતુ શું તમે જાણો છો કે ભારતીય રસોડામાં વપરાતા મસાલાના અનેક ફાયદા અને ગેરફાયદા પણ છે?

આપણા ભોજનમાં વપરાતા મસાલાના ફાયદા અને ગેરફાયદા શું છે? તે ખાતા પહેલા દરેક વ્યક્તિએ આ જાણવું જરૂરી છે. જેથી તે ધ્યાનમાં રાખવુ કે ક્યારેય પણ તેનું વધુ પડતું સેવન ન કરવુ.

• શરદી અને ખાંસી

જેમ જેમ હવામાન ઠંડુ થતું જાય છે તેમ તેમ શરદી અને ખાંસીનું પ્રમાણ વધે છે. ગરમ મસાલામાં લવિંગ, કાળા મરી અને તજ ભેળવીને ઉપયોગ કરવાથી આવી બીમારીઓ તરત જ મટી શકે છે.

• પાચનમાં સુધાર

શિયાળાની ઋતુમાં પકોડા, પાપડ અને ભટુરાની માંગ વધી જાય છે. પરંતુ તેના કારણે પાચન સમસ્યાઓ પણ વધે છે. આ સ્થિતિમાં જો તમે તમારા ખોરાકમાં ગરમ ​​મસાલો ઉમેરો છો તો તમારું પાચન સુધરી શકે છે. તજ અને અન્ય મસાલાઓમાં સામેલ ફાઇબર નિયમિત મળ ત્યાગને પ્રોત્સાહન આપે છે.

• બ્લડ સુગર કંટ્રોલ

તજ એક એવું ઘટક છે જે બ્લડ સુગરના લેવલને નિયંત્રિત કરી શકે છે. તે ગરમ મસાલામાં હાજર હોય છે આથી કહી શકાય કે ગરમ મસાલાનું સેવન બ્લડ સુગરને નિયંત્રિત કરી શકે છે.

• દુખાવો અને સોજો

ગરમ મસાલામાં રહેલા મસાલાઓમાં સોજા વિરોધી ગુણધર્મો હોય છે. તેઓ સોજો અને દુખાવો ઘટાડવામાં નોંધપાત્ર યોગદાન આપી શકે છે.

• ડાયાબિટીસ

ખોરાકમાં જીરું અને અન્ય પદાર્થોની હાજરી ડાયાબિટીસના દર્દીઓ માટે ફાયદાકારક હોય છે. આ મસાલો એન્ટી ડાયાબિટીસ એજન્ટ તરીકે કામ કરે છે.

વધુ વાંચો : ઇમ્યુનિટીથી લઇને સ્કીન સુધી, શરીરને અનેક રોગોથી છૂટકારો આપશે આ એક કપ ચા

એન્ટી-ઓક્સિડન્ટ: ગરમ મસાલામાં ભરપૂર માત્રામાં એન્ટીઓક્સીડન્ટ હોય છે, જે ત્વચાની સમસ્યાઓ દૂર કરે છે.

• ગરમ મસાલાની હાનિકારક અસરો

ગરમ મસાલા ખાવાના અનેક ફાયદા છે પરંતુ બીજી તરફ તેની કેટલીક આડઅશરો પણ થઈ શકે છે. વધુ પડતા ગરમ મસાલા ખાવાથી પાઈલ્સ, હાર્ટબર્ન, એસિડિટી અને પેટમાં બળતરા પણ થઈ શકે છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ