ગુરુવારે શેર બજાર એક નવી ઉચાઈ પર પહોંચી જવા પામી છે. સેન્સેક્સ અને નિફ્ટી બંને રેકોર્ડબ્રેક ઉંચાઈએ પહોંચ્યા છે. બુધવારે સૌથી મોટા ફાયદો ટાટા મોટર્સના શેરમાં થયો હતો, જે 20 ટકાથી વધારે હતો. જો કે ગુરુવારે શેર રૂ.500ના સ્તરે થોડો નીચો ટ્રેડ થઈ રહ્યો હતો.ખાનગી ઇક્વિટી કંપની TPG ગ્રુપ ટાટા મોટર્સની ઇલેક્ટ્રિક વાહન (EV)કંપનીમાં 1 અબજ ડોલર અથવા 7,500 કરોડ રૂપિયાનું રોકાણ કરવા જઈ રહી છે. આ સમાચાર સાથે ટાટા મોટર્સનો સ્ટોક 52 સપ્તાહની રેકોર્ડ બ્રેક ઉંચાઈ પર પહોંચી ગયો છે.
ટાટાની ઘણી કંપનીઓનું મોટું અને શાનદાર વળતર
ટાટા મોટર્સ ટાટા ગૃપના શેરમાં તેના રોકાણકારો માટે મોટો નફો કર્યો છે એટલું જ નહીં, જૂથના ઘણા શેરોએ રોકાણકારોને મજબૂત વળતર આપ્યું છે. ગયા વર્ષે 25 માર્ચની આસપાસ શેરબજાર તેની સૌથી નીચી સપાટીએ પહોંચી ગયું હતું. અને ત્યાંથી માત્ર દોઢ વર્ષમાં શેરબજારમાં મજબૂત ઉછાળો આવ્યો છે છે.
ચાલો જાણીએ કે આ દોઢ વર્ષમાં ટાટા ગૃપના શેરોએ રોકાણકારોને કેટલું વળતર આપ્યું છે.
ટાટા મોટર્સઃ માર્ચ 2020માં કંપનીના શેર 60 રૂપિયાના સૌથી નીચા સ્તરની નજીક હતો, જે હવે 500 રૂપિયાની નજીક પહોંચી ગયો છે. એટેલે કે, માત્ર દોઢ વર્ષમાં આ કંપનીએ લગભગ 745 ટકાનું વળતર આપ્યું છે.
ટાટા કેમિકલઃ દોઢ વર્ષ પહેલા માર્ચ 2020માં કંપનીના શેર 190 રૂપિયાની નજીક પહોંચી ગયો હતો. અત્યારે આ શેરની કિંમક 1086 રૂપિયા થઈ ગઈ છે. આ રીતે ટાટા કેમિકલ્સે દોઢ વર્ષમાં લગભગ 482 ટકાનું વળતર આપ્યું છે
ટાટા કન્ઝ્યુમરઃ આ શેર માર્ચ 2020માં 200 રૂપિયાની નજીક પહોંચી ગયો હતો. હવે આ શેરની કિંમત 850 રૂપિયા છે. ટાટા કન્ઝયુમરે દોઢ વર્ષમાં આ રીતે 324 ટકાનું વળતર આપ્યું છે.
ટાટા પાવરઃ માર્ચ 2020માં આ શેર 30 રૂપિયાની કિંમતની નજીક હતો. જે હવે 222 રૂપિયાની નજીક આવી ગયો છે. ટાટા પવારે દોઢ વર્ષમાં લગભગ 650 ટકા વળતર આપ્યું છે.
ટાઇટનઃ ગયા વર્ષે માર્ચમાં, આ સ્ટોક 800 રૂપિયાની નજીક હતો, જે હવે 2565 રૂપિયા થઈ ગયો છે. ટાઇટને રોકાણકારોને દોઢ વર્ષમાં 217 ટકા વળતર આપ્યું છે.
ટાટા કમ્યુનિકેશન્સઃ માર્ચ 2020 માં, આ શેર 200 રૂપિયાની આસપાસ હતો, જે હવે 1435 રૂપિયા થઈ ગયો છે. કંપનીએ દોઢ વર્ષમાં 628 ટકાનું વળતર આપ્યું છે.
ટાટા સ્ટીલઃ ગયા વર્ષે માર્ચ 2020 માં ટાટા સ્ટીલ 250 રૂપિયાની આસપાસ હતો.અત્યારે આ શેરની કિંમત 1375 રૂપિયાની નજીક છે. ટાટા સ્ટીલના રોકાણકારોને દોઢ વર્ષમાં 442 ટકા વળતર મળ્યું છે.
ટીસીએસઃ માર્ચ 2020 માં,આ કંપનીનો શેર ઘટીને 1600 રૂપિયાની નજીક આવી ગયો હતો, જે આજે 3609 રૂપિયા થઈ ગયો છે. એટલે કે, દોઢ વર્ષમાં આ કંપનીએ 128 ટકા વળતર આપ્યું છે.