સુરતના સદક કિનારે ઝૂંડપ પટ્ટીમાં રહેતા બાળકોને જીગર નામનો મસિહા મળી ગયો છે. ભિક્ષુક તરીકે ફરતા આ બાળકોને રોજ બે કલાક ભણાવવાની નેમ સાથે જીગર આ બાળકોના સપના પૂરા કરવા અથાગ મહેનત કરી રહ્યો છે. આ બાળકો એક બે નહી પરંતુ 60 બાળકો છે અને તમામને જીગર અભ્યાસ કરાવી રહ્યો છે અને જીવનમાં કંઈક બને તે માટે તેમના પાછળ સમય આપી રહ્યા છે.
સુરતના જીગરની અનોખી જીગર
સ્લમ વિસ્તારના બાળકોનું શિક્ષણ થકી કરે છે ઘડતર
જીમમાં જવાનો સમય બાળકો માટે ફાળવે છે
નોંધનીય છે કે, સુરતના સદક કિનારે ઝુંપડા નહીં પણ કુબા બનાવીને રહેતા સડક ઉપર માંગીને જીવન ગુજરાન કરતા લોકોના બાળકોને ભણાવવા અને તેમને સુશિક્ષિત કરવાનું અનોખું અભિયાન સુરતના એક સામાન્ય પરિવારના યુવાને હાથ ધાર્યું છે એટલું જ નહીં એક બે નહીં પુરા 60 બાળકોને શિક્ષણ આપી રહેલો આ યુવાન પોતાની દિનચર્યા આ બાળકોના સમય અનુસાર ગોઠવે છે.
લાચાર માતા પિતા આ બાળકોના સારા ભવિષ્યની કરી રહ્યા છે પ્રાર્થના
સુરત પાસે આવેલા સદક કિનારા ખાતે અનેક લોકો ઝુંપડ પટ્ટીઓમાં રહી રહ્યા છે. નાના નાના બાળકો અને તેમના લાચાર માતા પિતા આ બાળકોના સારા ભવિષ્યની કામના કરી રહ્યા હતા. પરંતુ અત્યાર સુધી આ બાળકો ભીખ માગીને માતા પિતાને મદદ કરતા હોય છે. આ ઉપરાંત આ સ્લમ વિસ્તારમાં કોઈ પણ જાતની વ્યવસ્થા નથી. તેના કારણે લોકોને મુશ્કેલીનો સામનો કરવો પડી રહ્યો છે. હાલના જમાના પ્રમાણે આ રીતે રોડ પર ફરતા નાના બાળકોને કોઈ અવળા રવાડે ચઢાવી દેતા હોવાના અનેક દાખલા સામે આવ્યા છે.
બાળકોનું ભવિષ્ય સુધારવાનો કરાયો પ્રયત્ન
જેમાં નાના બાળકો ગુનેગારીની દુનિયામાં ધકેલાઈ જતા હોય છે. ખાસ કરીને કાળામાથાના માનવીઓ આ પ્રકારના ગરીબ બાળકોને પોતાની ટીમમાં ભેળવવા માટે શોધ કરતા જ હોય છે. પરંતુ આ ગરીબ બાળકોનું નશીબ સારું હતુ કે તેમને વેપારીના રૂપમાં એક શિક્ષક મળી ગયો અને તેને આ બાળકોનું ભવિષ્ય સુધારવાનો પ્રયત્ન કર્યો.
બાળકો ને શિક્ષણ આપવું તે ખૂબ જ ભગીરથ કાર્ય છે, બાળકોના માતા પિતા પણ પોતાના સંતાનોને શિક્ષણ આપવાના બદલે તેમની પાસે ભીખ મંગાવીને કે, મજૂરી કરાવીને જ જીવવામાં માનતા હોય છે આવા પરિવારોની વચ્ચે જ્યારે એક યુવાન જીગર રાવલ શિક્ષણનું અભિયાન ચલાવી રહ્યા છે અને આ અભિયાન અંતર્ગત એક બે નહીં પરંતુ 60 બાળકો અભ્યાસ કરી રહ્યા છે.
સામાન્ય પરિવારના યુવકે બાળકોને શિક્ષિત કરવાનું ઉઠાવ્યું બીડું
આ બાળકોને નવી રાહ ચિંધનાર જીગર ટેક્સટાઇલ માર્કેટમાં નોકરી કરે છે. સામાન્ય પરિવારમાંથી આવે છે દરરોજ તે સવારે પહેલા તે જીમમાં જતો હતો પંરતુ જ્યારથી આ બાળકો સાથે જોડાયો છે ત્યારથી તે સવારે દોઢ કલાક આ બાળકોને ભણવામાં સમય પસાર કરે છે, 8 થી વધુ બાળકોને તેને શિક્ષણ સમિતિની શાળામાં એડમિશન પણ અપાવ્યું છે. હજુ વધુ બાળકોને તે આગળ ભણાવવા માંગે છે, કોઈ મદદ કરે તો ઠીક છે નહીંતર એકલા હાથે આ બાળકોને તેમની મંજિલ સુધી પહોંચાડવાનો નિર્ધાર કર્યો છે. આખરે નામ એકવું કામ તે આ જીગરે પોતાની જીગર બતાવીને સાબિત કર્યું છે.