ભારતમાં આ વર્ષે હવે શિયાળામાં કડકડતી ઠંડી પડી શકે તેની આગાહી કરવામાં આવી છે. હવામાન વિભાગ પ્રમાણે અલનીનો અને લા નીનાના કારણે ઋતુચક્રમાં ફેરફાર જોવા મળશે.
દિલ્હીમાં ઓક્ટોબરમાં તૂટ્યો 58 વર્ષનો રેકોર્ડ
ભારતના ઋતુચક્રમાં જોવા મળી શકે છે ફેરફાર
હાડ થીજવતી ઠંડીની આગાહી
ભારતમાં શિયાળાની શરૂઆત થઇ ગઈ છે અને મોડી રાતે ઠંડકમાં એકાએક વધારો જોવા મળે છે. દિલ્હી સહીત સમગ્ર ઉત્તર ભારતમાં ઠંડીમાં સતત વધારો જોવા મળી રહ્યો છે. દિલ્હીમાં તો હાડ થીજવતી ઠંડીએ અત્યારથી રેકોર્ડ તોડવાની શરૂઆત કરી દીધી છે. ઓક્ટોબરમાં દિલ્હીમાં તાપમાનમાં 58 વર્ષનો રેકોર્ડ તૂટી ગયો. આ વર્ષે હવામાન વિભાગનું કહેવું છે કે અલ નીનો અને લા નીનાથી મોસમ ચક્રમાં ફેરફાર જોવા મળી શકે છે. ઇન્ડોનેશિયાની આસપાસના દેશોમાં લા નીનાની અસરના કારણે વરસાદમાં વધારો જોવા મળી રહ્યો છે જેની અસર હવે નવેમ્બરમાં જોવા મળશે. ડિસેમ્બરમાં કૉલ્ડ ડે અને સીવીયર કૉલ્ડ ડે જોવા મળી શકે છે.
હવામાન વિભાગના ડિરેક્ટર મૃત્યુંજય મોહાપાત્રાએ એક વેબિનારને સંબોધિત કરતા કહ્યું હતું કે એવું ન સમજવું જોઈએ કે ક્લાઈમેટ ચેન્જથી માત્ર તાપમાનમાં વધારો જ થાય છે. સત્ય તો એ છે જે તાપમાનમાં વધારાનું કારણે મોસમ અનિયમિત થઇ જાય છે.
દિલ્હીમાં ઓક્ટોબરમાં આશરે 17.2 ડીગ્રી તાપમાન જોવા મળ્યું છે જ્યારે શ્રીનગરમાં ઓક્ટોબરના અંત સુધીમાં તાપમાન શૂન્યની નીચે જતું રહ્યું હતું. મધ્ય મહારાષ્ટ્રમાં લા નીનાના કારણે તાપમાન નીચે જઈ રહ્યું છે.
શું છે આ લા નીના અને અલ નીનો ?
નોંધનીય છે કે લા નીના ને અલ નીનો બંને એક સમુદ્રી પ્રક્રિયા છે અને લા નીનાથી સમુદ્રમાં પાણી ઠંડુ થઇ જાય છે જેની અસર હવાઓ પર પડે છે. જ્યારે અલ નીનોમાં સમુદ્રનું પાણી ગરમ થવા લાગે છે જેના કારણે હવાઓ પણ ગરમ થઇ જાય છે અને આ બંને પ્રક્રિયાના કારણે ભારતમાં વરસાદમાં ફેરફાર જોવા મળે છે.