આ વર્ષે આઈટી કંપનીઓમાં મોટી સંખ્યામાં ભરતી પ્રક્રિયા થવા જઈ રહી છે.
એક લાખથી વધારે યુવાનોને મળશે નોકરી
આઈટી કંપનીઓમાં સરેરાશ 30 ટકાથી વધારે નવી ભરતીઓ
આ આઈટી કંપનીઓ જાહેર કરશે બમ્પર ભરતીઓ
નાણાકીય વર્ષ 2022માં ભારતીની દિગ્ગજ આઈટી કંપનીઓ સરેરાશ 30 ટકાથી વધારે નવી ભરતીઓ કરવાની તૈયારીમાં છે. કંપનીઓ આઈટી સેક્ટરમાં વધતી માંગ, વધતા ડિજિટલાઈઝેશન અને વધતા એટ્રિશનના કારણ નવી ભરતીઓ કરવાની તૈયારીમાં છે. આ વર્ષે આઈટી સેક્ટરમાં દિગ્ગજ કંપનીઓની તરફથી 1.1 લાખ નવા ભરતીઓ જાહેર થઈ શકે છે. ઈન્ફોસિસ લગભગ 35000, વિપ્રો 12000, એચસીએલ 20000-22000 અને ટીસીએસ લગભગ 40000 નવી ભરતી બહાર પાડી શકે છે.
ગયા વર્ષે પણ કરી હતી બમ્પર ભરતી
ઈન્ફોસિસે કહ્યું કે તે આ વર્ષે એટલે કે નાણાકીય વર્ષ 2021-22માં 35000 નવી ભરતીઓ બહાર પાડશે. જણાવી દઈએ કે ગયા વર્ષે કંપનીએ 21000 નવા ભરતીઓ કરી હતી. આ રીતે વિપ્રોએ જણાવ્યું કે તે ચાલુ વર્ષમાં 12000 નવી ભરતીઓ બગાર પાડશે. જે ગયા વર્ષની તુલનામાં 33 ટકા વધારે છે. એચસીએલ ટેકે જણાવ્યું કે તે હાલમાં 20000-22000 ભરતીઓ કરશે જે ગયા વર્ષે 14,600 હતી જે લગભગ 50 ટકા વધુ છે. ત્યાં જ ટીસીએસ નાણાકીય વર્ષમાં 40,000 પાસ આઉટ્સને ભરતી કરવાની તૈયારીમાં છે. જણાવી દઈએ કે ગયા વર્ષે કંપનીએ આટલી જ નવી ભરતીઓ બહાર પાડી હતી.
ટોપ 4 આઈટી કંપની આપશે ફ્રેશર્સને તક
મહત્વનું છે કે જૂન ત્રણ મહિનામાં ટોપ 4 આઈટી કંપનીઓએ 48,443 નવા ભરતીઓ કરી છે અને તે ઉપરાંત આવનાર ત્રણ મહિનામાં વધ ભરતીઓ કરવાની તૈયારીમાં છે. ડિજિટલ, ક્લાઉડ અને સાઈબર સિક્યોરિટી ટેક્નોલોજી પર વધતા ફોકસના કારણ બજારમાં આઈટી સેક્ટ માટે સતત માંગ વધતી રહે છે. તેનો ફાયદો ભારતીય આઈટી કંપનીઓને મળી રહ્યો છે.
આટલા અરબ ડોલરના મળ્યા છે ઓર્ડર
જણાવી દઈએ કે જૂન ત્રીમાસમાં ટીસીએસને 8.1 અરબ ડોલરનો નવો ઓર્ડર મળ્યો છે. ત્યાં જ ઈન્ફોસિસને 2.6 અરબ ડોલરનો અને વિપ્રોને 71.5 કરોડ ડોલરના નવા ઓર્ડર મળ્યા છે. ત્યાં જ એચસીએલ ટેકને 1.67 અરબ ડોલરની નવી ડીલ મળી છે. કંપનીને આ ઓર્ડર્સને પૂરા કરવા માટે માણસોની જરૂર છે. જેના માટે આ બમ્પર ભરતીઓ બહાર પડી છે.