Holi 2022 / 1755 બાદ છેક આજે હોળી પર બની રહ્યો છે આ દુર્લભ યોગ, પૃથ્વી પર મોટી આફતના એંધાણ

• 267 વર્ષ બાદ હોળી પર બની રહ્યો છે આ દુર્લભ યોગ 
• જાણો આ માટે ખાસ છે હોળીની રાત 
• હોળીકા પૂજન અને શુભ મુહૂર્ત 

267 વર્ષ બાદ હોળી પર બની રહ્યો છે આ દુર્લભ યોગ

ધર્મ ગ્રંથો અનુસાર ભદ્રા બાદ હોળીકા દહન કરવું એ શુભ માનવામાં આવે છે. આ વર્ષે 267 વર્ષો બાદ મંગળ, શુક્ર અને શનિનાં દુર્લભ યોગમાં હોળી મનાવવામાં આવશે. જ્યોતિષો અનુસાર, મકર રાશિમાં અત્યારે મંગળ,શુક્ર અને શનિનો યોગ બનેલ છે. આવો યોગ 267 વર્ષ પહેલા 26 ફેબ્રુઆરી 1755નાં રોજ બન્યો હતો. મંગળ, શુક્ર અને શનિની મકર રાશિમાં યુતિ થવાથી યુદ્ધ તથા પ્રાકૃતિક આપત્તિનાં યોગ પણ બની શકે છે. 

આ માટે ખાસ છે હોળીની રાત 
જ્યોતિષ અને તંત્ર શાસ્ત્રમાં હોળીની રાતનું વિશેષ મહત્વ હોય છે. આ રાત્રે ઘણી તંત્ર સાધના સફળ થઇ શકે છે. આ વર્ષે મંગળ, શુક્ર, શનિની યુતિ મકર રાશિમાં છે અને મંગળની દ્રષ્ટિ સૂઓર્ય પર છે. આ કારણે આ રાત તંત્ર માટે ઘણી ખાસ રહેશે. જે લોકો મંત્ર સાધના કરવા માંગે છે, તો કોઈ વિશેષજ્ઞ કે ગુરુનાં માર્ગદર્શનમાં રાતનાં સમયે એકાંતમાં સ્થિત શિવ મંદિરમાં મંત્ર જાપ અને સાધના કરી શકે છે. 

હોળીકા દહનની પૂજાવિધિ 
હોળીકા દહનમાં હોળીકા તથા ભક્ત પ્રહલાદની પૂજા કરવામાં આવે છે. સર્વપ્રથમ દેવી દેવતાઓમાં પૂજ્ય ગણેશજીનું સ્મરણ કરવું, તે સ્થાન પર ગંગાજળ છાંટીને પવિત્ર કરી લો. સંભવ હોય તો હોળીકા દહનની સામગ્રીને અગ્નિ તત્વની દિશા દક્ષિણ-પૂર્વમાં રાખો. પૂજા કરતા સમયે પૂજા કરનાર વ્યક્તિએ હોળીકા પાસે પૂર્વ કે ઉત્તર દિશામાં મોં કરીને બેસવું જોઈએ. પૂજન માટે તાંબાનાં એક લોટામાં જળ, માળા, ભાત, ફૂલ, ગોળ, ગુલાલ, હળદર, નારીયળ વગેરેનો પ્રયોગ કરવો જોઈએ. ત્યાર બાદ હોળીકામાં છાણથી બનેલા રામકડા અને માળા પણ રાખો. સાથે જ લીલા ચણા અને ઘઉં વગેરે પણ સામગ્રીનાં રૂપમાં રાખો. 

હોળીકા પૂજન અને શુભ મુહૂર્ત 
હોળીકા દહન 17 માર્ચ, ગુરુવારનાં દિવસે એટલે કે આજે કરવામાં આવશે. હોલિકા દહન માટે શુભ મૂરત રાત્રે 9 કલાક 16 મિનિટથી લઈને 10 કલાક 16 મિનિટ સુધી રહેશે. કાલે એટલે કે શુક્રવાર 18 માર્ચનાં રોજ રંગોથી હોળી રમવામાં આવશે.