જો તમારા ખાતામાં અચાનક લાખો રૂપિયા આવી જાય તો તમારી હાલત શું થાય, આવી જ હાલત ઉત્તરપ્રદેશની એક ટીચરની થઇ ગઇ છે.
ઉત્તરપ્રદેશ સરકારની ભૂલથી મહિલા થઇ માલામાલ
કોઇને ચૂકવવાની રકમ મહિલાના ખાતામાં ભૂલથી આવી
મહિલાએ તરત જ બેઁકમાં જઇને નોંધાવી ફરિયાદ
તુકમીરપુર સ્થિત રાજકીય કન્યા ઉચ્ચતર વિદ્યાલય નંબર-1ની શિક્ષિકા વંદના ચૌહાણની મંગળવારે સવારે આંખ ખુલી તો તેને ખબર પડી કે તેના ખાતામાં 36 લાખ રૂપિયા આવી ગયા છે. અચાનક આવી ઘટના ઘટતા તે પરેશાન થઇ ગઇ હતી અને તે સીધી બેઁકમાં ગઇ અને આ વાતની ફરિયાદ કરી હતી.
બેઁકે તપાસ કરી તો ખ્યાલ આવ્યો કે આ રકમ ઉત્તરપ્રદેશ સરકારના કારણે આ મહિલાના અકાઉન્ટમાં આવી છે. ટેકનીકલ પ્રોબ્લેમના કારણે આ ઘટના ઘટી હતી અને બાદમાં 36 લાખ રૂપિયાની રાશીને ફ્રીઝ કરી દેવામાં આવી છે.
વંદના પરિવાર સાથે ઉત્તર દિલ્હીમાં રહે છે અને તેનો પતિ મોહિત કુમાર પણ શિક્ષક છે. વંદનાએ જણાવ્યું કે સવારે મોબાઇલમાં મેસેજ જોઇને તે સમજી ન શકી કે 36 લાખ રૂપિયા તેના અકાઉન્ટમાં આવ્યા કેવી રીતે. સ્કુલથી સીધી તે તેના પતિ સાથે બેઁક ગઇ અને ફરિયાદ કરી હતી.
અહીં શાખા પ્રબંધકને તેણે વાત કરી બાદમાં ચેક કરતા ખબર પડી કે આ રકમ પંજાબ નેશનલ બેઁકની શાખાથી આવી છે. ઉત્તરપ્રદેશ સરકારની ભૂલના કારણે આ રકમ વંદનાના ખાતામાં આવી છે.