રાજકારણ / આ તો કોંગ્રેસ ડૂબાડશે, મને CM બનાવે તો દેખાય સક્સેસ: પોતાના જ CM માટે અપશબ્દો બોલતા સિદ્ધુનો વીડિયો વાયરલ

• સિદ્ધુએ CM ચન્ની માટે અપશબ્દોનો ઉપયોગ કર્યો 
• વીડિયોમાં સિદ્ધુ CM ન બની શકવાની પીડા દર્શાવી
• ટિપ્પણી બાદ અકાલી દળે પણ સિદ્ધુને ઘેરી લીઘાં  

 સિદ્ધુએ CM ચન્ની માટે અપશબ્દોનો ઉપયોગ કર્યો 

પંજાબમાં કોંગ્રેસનો વિખવાદ હજી શમ્યો નથી ત્યાં પુનઃ પંજાબ કોંગ્રેસના પ્રદેશ પ્રમુખ નવજોત સિંહ સિદ્ધુએ પંજાબના સીએમ ચરણજીત સિંહ ચન્ની માટે અપશબ્દો નો ઉપયોગ કર્યો છે. એટલું જ નહીં, સિદ્ધુએ પોતાને સીએમ બનાવવાની પણ હિમાયત કરી હતી. વીડિયોમાં સિદ્ધુએ તો ત્યાં સુધી કહ્યું કે, 2022માં ચન્ની કોંગ્રેસની નૈયા પણ ડૂબાડી દેશ 

ટિપ્પણી બાદ અકાલી દળે પણ સિદ્ધુને ઘેરી લીઘાં  

સિદ્ધુનો વિવાદીત ટિપ્પણી વાળો વીડિયો સામે આવ્યા બાદ અકાલી દળે નવજોતસિંહ સિદ્ધુને ધેરી લીધા હતાં. ઉલ્લેખનીય છે કે, મોહાલી એરપોર્ટ ચોકમાં આવતાં પહેલા તેમણે CM ચન્ની માટે અપશબ્દોનો ઉપયોગ કર્યો હતો. બાદમાં મોહાલી એરપોર્ટ ચોકથી લખીમપુર જવા માટે રવાના થશે.  

વીડિયોમાં સિદ્ધુ CM ન બની શકવાની પીડા દર્શાવી 

આ વીડિયોમાં, પરગટ સિંહ કહે છે કે, તે માત્ર 2 મિનિટની વાત છે, મુખ્યમંત્રી ચરણજીત સિંહ ચન્ની પહોંચવાના છે.આ પછી સિદ્ધુ કહે છે કે અમે આટલા લાંબા સમયથી તેની રાહ જોઈ રહ્યા હતા.પરગટ સિંહે વધુમાં કહ્યું કે, કેટલા લોકો ભેગા થયા છે, ત્યારબાદ નવજોત સિંહ સિદ્ધુની પાછળ ઉભેલા પંજાબ પ્રદેશ કોંગ્રેસ સમિતિના કાર્યકારી પ્રમુખ સુખવિંદર સિંહ ડેની એ કહ્યું કે આ કાર્યક્રમ સફળ છે. આ પર નવજોત સિંહ સિદ્ધુ ગુસ્સામાં આવીને કહે છે, 'સફળતા હવે ક્યાં છે? જો ભગવંત સિંહ સિદ્ધુ ના પુત્રને મુખ્યમંત્રી બનાવવામાં આવે તો તે સફળતા બતાવશે. આ પછી, સિદ્ધુએ અપમાનજનક શબ્દોનો ઉપયોગ કર્યો અને પછી કહ્યું, '2022 માં, આ કોંગ્રેસ જ ડૂબી જશે'.