બેન્ક નોટ / ભૂલથી મળેલી ફાટેલી ચલણી નોટો આ જગ્યાએ જઈને સરળતાથી બદલી શકશો

• 2018નીમ ફાટેલી અને ખરાબ નોટો માટે ગાઈડલાઈન જાહેર કરી હતી
• પૈસા પર પેનથી લખવા પર પાબંદી લગાવી હતી
• ફાટેલી કે ખરાબ ચલણી નોટ બદલી શકાશે

ફાટેલી અને ખરાબ નોટોની ચિંતાથી મુક્ત થઈ શકો છો
ખરાબ અને ફાટેલી નોટોને લીધે ઘણાં લોકોને તે પૈસાનું નુક્સાન થવાની ભીતી રહેતી હોય છે. પણ હવે તેવી ફાટેલી અને ખરાબ નોટોની ચિંતામાંથી મુક્ત થઈ શકો છો. તમારી આ સમસ્યાનું સમાધાન મળી ગયુ છે. અહીં તમે જાણશો કે એવી ઘણી જગ્યાઓ છે જ્યાં તમે સરળતાથી તમારી ફાટેલી કે ખરાબ થયેલી ચલણી નોટો બદલી શકશો.

પૈસા પર પેનથી લખવા પર પાબંદી
રિઝર્વ બેન્ક ઓફ ઈન્ડિયાએ વર્ષ 2018માં ફાટેલી અને ખરાબ થયેલી ચલણી નોટો માટે ગાઈડલાઈન જાહેર કરી હતી. જેમાં આરબીઆઈએ પૈસા પર પેનથી લખવા પર પાબંદી લગાવી હતી. બીજી તરફ નોટોને બદલવાનાં નિયમોમાં ઘણી રાહત આપી હતી. જેથી કોઈ પાસે ફાટેલી કે ખરાબ ચલણી નોટ હોય જે માર્કેટમાં નથી ચાલી શકતી તેને બદલી શકે છે.

હાલમાં ખરાબ થયેલી નોટની મળશે અડધી કિંમત
રિઝર્વ બેન્કની ગાઈડલાઇન અનુસાર ફાટેલી કે ખરાબ થઈ ગયેલ ચલણી નોટને બદલી શકાય છે. જો તે નોટ હાલમાં જ ખરાબ થઈ છે તો આરબીઆઈ તેની અડધી કિંમત આપે છે. જે સુવિધા અમુક ખાસ બેન્કોની શાખાઓ અને રિઝર્વ બેન્કની ઓફિસમાં મળે છે. જ્યાં નોટ બદલીને નવા મેળવી શકાય છે.

નોટ બદલવાના નિયમો
આરબીઆઈએ નોટ બદલવા માટે અમુક નિયમો બનાવ્યા છે. જો કોઈ પાસે પાંચ હજાર સુધીની ફાટેલી કે ખરાબ નોટો છે તો તેને તુરંત બદલીને નવા મળી જશે. જેનાં માટે તેને કોઈ વધારાની રકમ નહીં ચૂકવવી પડે. જ્યારે 20 નોટથી વધારે અને પાંચ હજારથી વધારેની નોટ હશે તો બેન્ક બધી નોટો રાખી લેશે અને પૈસા સીધા ખાતામાં ટ્રાન્સફર કરશે. જો કોઈ પાસે 50 હજારથી વધારેની રકમની ખરાબ અને ફાટેલી ચલણી નોટો છે તો તેને બદલવામાં થોડો સમય લાગે છે અને તેને બદલવા માટે તે વ્યક્તિ પાસેથી અમુક ચાર્જ પણ વસૂલવામાં આવે છે.