કોવિડ 19 / કોરોના સામેની લડાઈમાં આ વેક્સિન ભારત માટે બની શકે છે મદદરૂપ, કિંમત હશે માત્ર આટલી જ

• કોરોના રસીને લઇને ભારતમાં અટકળો તેજ 
• રશિયાની સ્પુટનીક રસી બની શકે છે વિકલ્પ 
• આ રસીની કિંમત 10 ડોલરથી ઓછી હોય શકે છે 

કોરોના રસીને લઈને ચાલતી અટકળોની વચ્ચે રશિયાની સ્પુટનિક -5 રસી વિશે મોટી માહિતી બહાર આવી છે. આંતરરાષ્ટ્રીય બજારમાં સ્પુટનિક -5 ની માત્રા 10 ડોલરથી ઓછી હશે.  તે રશિયાના નાગરિકો માટે મફત રહેશે. એક વ્યક્તિને રસીના બે ડોઝની જરૂર પડશે. લેટેસ્ટ અપડેટ પ્રમાણે આ કિંમત 700 રૂપિયાથી ઓછી હોઈ શકે છે. 

RDIF ના સમર્થનથી બની છે આ રસી 

રશિયન ડાયરેક્ટ ઇન્વેસ્ટમેન્ટ ફંડ RDIF એ મંગળવારે એક નિવેદન બહાર પાડ્યું અને આ વિશે માહિતી આપી. મહત્વ નું છે કે આ રસી ગેમાલીયા નેશનલ રિસર્ચ સેન્ટર ફોર એપીડેમિઓલોજી અને માઇક્રોબાયોલોજી અને રશિયન ડાયરેક્ટ ઇન્વેસ્ટમેન્ટ ફંડ RDIFદ્વારા સંયુક્ત રીતે વિકસાવવામાં આવી છે.

ડિલિવરી જાન્યુઆરીથી શરૂ થશે

વિદેશી ઉત્પાદકો સાથે હાલની ભાગીદારીના આધારે, સ્પુટનિક -5 રસીની પ્રથમ આંતરરાષ્ટ્રીય ડિલિવરી જાન્યુઆરી 2021 માં ગ્રાહકોને ઉપલબ્ધ થશે. બીજી બાજુ, ક્લિનિકલ ટ્રાયલના બીજા વચગાળાના વિશ્લેષણ મુજબ, સ્પુટનિક -5 ની પ્રથમ માત્રાના 28 દિવસ પછીના પરિણામોના અનુસાર તેની અસરકારકતા 91.4 ટકા જેટલી મપાઈ છે. 

RDIF ના CEO કિરીલ દિમિત્રીવએ જણાવ્યું હતું કે બેલારુસ, બ્રાઝિલ, યુએઈ અને ભારતમાં ક્લિનિકલ ટ્રાયલ્સ ચાલી રહી છે. પરિણામો વિવિધ દેશો માટે ઉપલબ્ધ રહેશે. તેમણે કહ્યું કે અમે જાન્યુઆરી સુધીમાં માહિતી પ્રદાન કરવા માટે વાતચીત કરી રહ્યા છીએ.

રશિયા 3 રસી બનાવી રહ્યું છે

રશિયાએ અત્યાર સુધીમાં ત્રણ કોરોના રસી બનાવવાનો દાવો કર્યો છે. તેણે ઓગસ્ટમાં તેની પ્રથમ રસી સ્પુટનિક વી ની ઘોષણા કરી હતી, 11 ઓગસ્ટ 2020 ના રોજ, રશિયાના રાષ્ટ્રપતિ વ્લાદિમીર પુટિને જાહેરાત કરી કે રશિયાએ કોરોના રસી બનાવી લીધી છે, તે સમયે વિશ્વમાં કોરોના વેક્સિનની હરોળમાં આ સૌ પહેલી વેક્સિન હતી જેને મંજૂરી અપાઈ હતી.  

આ રસી જૂનના જુલાઇમાં રસી ના બે ટ્રાયલ પૂર્ણ થયા હતા. જેમાં 76 પર ટ્રાયલ્સ થયા હતા. આ પરિણામોના આધારે 100 ટકા એન્ટિબોડી વિકસિત થઈ હતી. આ પછી બીજી રસી , એપિવાકકોરોના દ્વારા કરવામાં આવી હતી, 14 ઓક્ટોબરે અને તાજેતરમાં રશિયાએ કોરોનાની ત્રીજી રસી બનાવવાનો દાવો કર્યો હતો.

રશિયાની ત્રીજી રસી રશિયન એકેડેમી ઓફ સાયન્સિસના ચૂમાકોવ સેન્ટરમાં બનાવવામાં આવી રહી છે. અહેવાલો અનુસાર, આ સક્રિય રસી ડિસેમ્બર 2020 સુધીમાં માન્ય થવાની સંભાવના છે.