સ્કૂલ કોલેજ હોય કે ઓફીસ, ટોઇલેટ બ્રેકનો આણંદ કંઇક અલગ જ હોય છે. ઘણા વિદ્યાર્થીઓ અને કર્મચારીઓ લાંબો સમય ટોઇલેટમાં વિતાવતા હતા. જેથી હવે અમુક એવા ટોઇલેટ ડીઝાઈન કરવામાં આવી રહ્યા છે. જેના પર કોઈ સાત મિનીટ સુધી બેસી નહિ શકો. આ સીટ તમને આરામથી બેસવાનો મોકો નથી આપતી.
ટોઇલેટને સ્ટેન્ડર્ડ ટોઇલેટ નામ આપવમાં આવ્યું
ટોઇલેટમાં સીટ સીધી સપાટની જગ્યાએ 13 ડિગ્રી નીચે તરફ નમેલી
આ ટોઇલેટમાં કર્મચારીઓ લાંબા સમય સુધી બેસી નહિ શકે જેથી કંપનીને ફાયદો થઇ શકે છે
બેસતી વખતે તમારે જમીન પર પગનો ભાર આપવો પડશે
આ ટોઇલેટને સ્ટેન્ડર્ડ ટોઇલેટ નામ આપવમાં આવ્યું છે. આ ટોઇલેટ બ્રિટીશ એન્જીનીયર મહાવીર ગિલે ડીઝાઈન કર્યું છે. નોંધનીય છે કે આ ટોઇલેટમાં સીટ સીધી સપાટની જગ્યાએ 13 ડિગ્રી નીચે તરફ નમેલી છે. એટલે કે તેના પર બેસતી વખતે તમારે જમીન પર પગનો ભાર આપવો પડશે. પગના સહારે જ બેસવાનું હોવાથી લાંબા સમય સુધી તેના પર બેસવું અઘરું છે.
બ્રિટનમાં કર્મચારીઓનાં બ્રેક લેવાના કારણે 4 બિલિયન પાઉન્ડનું નુકસાન થાય છે
આ ટોઇલેટ પર સાત મિનીટથી વધુ બેસીએ તો પગ પર ભાર વધી શકે છે. ડીઝાઈનરનું માનવું છે કે આ ટોઇલેટ તેમણે અંગત અનુભવથી જ બનાવ્યું છે આ ટોઇલેટમાં કર્મચારીઓ લાંબા સમય સુધી બેસી નહિ શકે જેથી કંપનીને ફાયદો થઇ શકે છે. મહાવીર ગીલે કહ્યું કે બ્રિટનમાં કર્મચારીઓનાં બ્રેક લેવાના કારણે 4 બિલિયન પાઉન્ડનું નુકસાન થાય છે જેથી આ ટોઇલેટ બનાવવામાં આવ્યું છે.
આ ટોઇલેટને બ્રિટીશ ટોઇલેટ એસોશિયેશનનું સમર્થન આપી દીધું છે. આ એક એવું એસોશિયેશન છે જે ટોઇલેટ સુવિધાઓ માટે કામ કરે છે. જ્યારે સોશિયલ મીડિયામાં લોકો તેને ટ્રોલ કરી રહ્યા છે. લોકોનું માનવું છે કે આ તો માનવતાની વિરુદ્ધ છે. બીજી તરફ મહાવીર ગિલનું કહેવું છે કે કોઈ પણ વ્યક્તિ વધુ સમય માટે ટોઇલેટમાં બેસવા નથી માંગતો. આ તો માત્ર બેકારમાં જે વ્યક્તિ ટોઇલેટ પર લાંબો સમય ગાળે છે તેમના માટે છે. આનાથી કોઈને અસુવિધા તેવી કોઈ ડીઝાઈન કરવામાં આવી નથી. મહાવીર ગિલનો દાવો છે કે આ ટોઇલેટનો એકમાત્ર ઉદ્દેશ કંપનીનાં પૈસા બચાવવાનો છે અને આ ટોઇલેટ કંપનીનાં પૈસા બચાવે છે.