ઠંડા પવનને કારણે 6 નવેમ્બરથી દેશમાં બે વેસ્ટર્ન ડિસ્ટર્બન્સ સક્રિય થશે અને ઉત્તરથી મધ્ય ભારતમાં દિવસ દરમિયાન પણ ઠંડીનો અહેસાસ થશે.
એક સાથે એક્ટિવ થયેલ બે વેસ્ટર્ન ડિસ્ટર્બન્સ 10 રાજ્યોમાં શિયાળો લાવશે
6 નવેમ્બરથી દેશમાં બે વેસ્ટર્ન ડિસ્ટર્બન્સ સક્રિય થશે
ગયા શિયાળા કરતાં આ વર્ષે ઠંડીના દિવસો વધુ રહેશે
ઓક્ટોબર મહિનો પસાર થતાની સાથે જ હવામાનમાં પણ પલટો આવશે. જણાવી દઈએ કે દેશમાં એક સાથે એક્ટિવ થયેલ બે વેસ્ટર્ન ડિસ્ટર્બન્સ 10 રાજ્યોમાં શિયાળો પણ લાવશે. પંજાબ, હરિયાણા, દિલ્હી, ઉત્તર પ્રદેશ, રાજસ્થાન, ગુજરાત, મધ્યપ્રદેશ, મહારાષ્ટ્ર, છત્તીસગઢ, ઓડિશા અને તેલંગાણામાં તાપમાન 6 થી 7 નવેમ્બરથી ખૂબ નીચું જશે. જો કે દિવસ અને રાતના તાપમાન વચ્ચેનો તફાવત 11 થી 17 ડિગ્રી રહેવાનું અનુમાન છે.
હવામાન વિભાગના જણાવ્યા અનુસાર હાલમાં ઉત્તર અને પશ્ચિમથી લઈને મધ્ય ભારત સુધી દરે નોર્થ-વેસ્ટ હવા ચાલી રહી છે. ઉત્તરના પહાડો પર હિમવર્ષા થયા પછીનો આ પવન બર્ફીલા વિસ્તારોમાંથી પસાર થઈને ઠંડી સાથે લઈને મધ્ય ભારતમાં પહોંચશે. આ ઠંડા પવનને કારણે 6 નવેમ્બરથી દેશમાં બે વેસ્ટર્ન ડિસ્ટર્બન્સ સક્રિય થશે અને ઉત્તરથી મધ્ય ભારતમાં દિવસ દરમિયાન પણ ઠંડીનો અહેસાસ થશે.
દિવસ દરમિયાન મોસમ સાફ રહેશે પણ સવાર સાંજ ઠંડી લાગશે
આવતા અઠવાડિયાથી ગુજરાત, રાજસ્થાન અને મધ્યપ્રદેશમાં દિવસ દરમિયાન આકાશ સાફ રહેશે પણ રાતથી સવાર સઊદ્ધિ ઠંડી પડશે. જોકે બપોરનું તાપમાન 30 થી 35 ડિગ્રી સુધી યથાવત રહેશે. મધ્ય ભારતના ભાગોમાં સવાર અને સાંજ દરમિયાન ધુમ્મસ જોવા મળી શકે છે. બીજી તરફ બિહાર, ઝારખંડ, પશ્ચિમ બંગાળ અને સમગ્ર ઉત્તર-પૂર્વીય રાજ્યોમાં હવામાન શુષ્ક રહેશે.
શિયાળો લાંબો ચાલવા પાછળનું કારણ વરસાદ નહીં પણ લા-નીના છે
વધુ વરસાદ થયો પણ તેની અસર શિયાળા પર નહીં: જણાવી દઈએ કે હવામાન વિભાગના રેકોર્ડ દર્શાવે છે કે વધુ કે ઓછા વરસાદનો શિયાળા સાથે કોઈ સંબંધ નથી. આ વખતે સામાન્ય કરતાં 6% વધુ વરસાદ થયો છે અને ચોમાસા પછી પણ લગભગ 65% વધુ વરસાદ થયો હતો. જો ચોમાસાની વિદાય મોડી થઇ તો શિયાળો પણ લાંબો ચાલશે એ વાત ખોટી છે.
લા-નીના આ વખતે લાંબા શિયાળાનું કારણ છે : વિશ્વ હવામાન સંસ્થાના જણાવ્યા અનુસાર લા-નીના ની પ્રવૃત્તિઓ ઉત્તરીય ગોળાર્ધમાં 2022-23ના શિયાળા દરમિયાન ચાલુ રહેશે, એટલે કે શિયાળો માર્ચ 2023 સુધી રહેવાની શક્યતા છે. આવતા ચાર મહિના સુધી શિયાળા ચાલવાની શક્યતા છે.
ગયા શિયાળા કરતાં આ વર્ષે ઠંડીના દિવસો વધુ રહેશેઃ આ વર્ષે ઠંડીના દિવસોની સંખ્યા સરેરાશ કરતા વધુ રહેશે. જણાવી દઈએ કે સતત આ ત્રીજો શિયાળો હશે જ્યારે લા નીના ની સ્થિતિ બની રહી છે અને તેની અસર બંગાળની ખાડીમાં પણ જોવા મળશે. સાથે જ આગામી બેથી ત્રણ મહિનામાં અનેક વાવાઝોડાં આવવાની શક્યતા છે.