IPL મીડિયા રાઇટ્સ / આ વખતે એમેઝોન પર દેખાઈ શકે છે IPL, હૉટસ્ટાર સહિત પાંચ મહારથીઓ મેદાનમાં, BCCI ને કરોડોની કમાણી

• આ વર્ષે કદાચ બદલાશે મીડિયા ટેલીકાસ્ટ 
• આગામી 5 વર્ષો માટે હરાજી થવાની તૈયારી 
• પાંચ મનોરંજન કંપની લાઈનમાં લાગી છે 

મીડિયા રાઈટ્સથી જંગી આવક 
ઈન્ડિયન પ્રીમિયર લીગની આગામી સિઝન શરૂ થવામાં હજુ 10 મહિનાનો સમય બાકી છે. પરંતુ આવતા વર્ષે થનારા મોટા ફેરફાર માટે ટૂર્નામેન્ટ હમણાં જ ચર્ચામાં આવી છે. ટૂંક સમયમાં જ આઈપીએલના મીડિયા રાઈટ્સ માટે બોલી લગાવવામાં આવશે. આ વખતે ઘણા મોટા ખેલાડીઓ આઈપીએલની હરાજીમાં રસ દાખવી રહ્યા છે. એટલું જ નહીં બીસીસીઆઇને આઇપીએલની હરાજીથી પણ જંગી નફો થાય એમ છે.

લાઈનમાં છે ઘણી મોટી કંપનીઓ 
એક અહેવાલ અનુસાર વાયકોમ 18, ડિઝની હોટસ્ટાર, સોની, ઝી અને એમેઝોન આઇપીએલના મીડિયા રાઇટ્સ ખરીદવા માટે લાઇનમાં છે. આ પાંચેય મનોરંજન અને મલ્ટિ-મીડિયા ક્ષેત્રની મોટી કંપનીઓ છે અને તેથી તેમની વચ્ચે હરાજી માટે ખૂબ જ આકરી સ્પર્ધા થવાની ધારણા છે.

12 જુલાઈએ થશે હરાજી 
આઇપીએલના મીડિયા રાઈટ્સની હરાજી માટે બીસીસીઆઇ દ્વારા તમામ તૈયારી કરી લેવામાં આવી છે. તારીખ 12મી જુલાઈથી આઇપીએલના મીડિયા રાઈટ્સ માટેની હરાજીની પ્રક્રિયા શરુ થશે. બીસીસીઆઇએ આપેલી માહિતી પ્રમાણે આઇપીએલ મીડિયા રાઈટ્સની હરાજીનું પરિણામ 24થી 48 કલાકમાં આવી શકે તેમ છે.

5 વર્ષના કરારમાં લેશે મીડિયા રાઈટ્સ 
બીસીસીઆઈ દ્વારા સોમવારે આ સંબંધમાં મોક ઓક્શન પણ કરવામાં આવ્યું છે. બીસીસીઆઇએ કહ્યું છે કે, 2023થી 2027 સુધીના મીડિયા રાઈટ્સ ની 12 જુલાઈએ હરાજી કરવામાં આવશે. બીસીસીઆઇએ એવી પણ માહિતી આપી છે કે, આ વખતે આઇપીએલની નવી રીતે હરાજી કરવામાં આવશે.

આ વર્ષે હરાજીથી 35 થી 40 હજાર કરોડ રૂપિયાની કમાણી
ગત વખતે બીસીસીઆઈએ આઈપીએલ મીડિયા રાઈટ્સની હરાજીથી 16,347 કરોડ રૂપિયાની કમાણી કરી હતી. પરંતુ આ વખતે એવો અંદાજ લગાવવામાં આવી રહ્યો છે કે બીસીસીઆઈ આઈપીએલના મીડિયા રાઈટ્સની હરાજીથી 35થી 40 હજાર કરોડ રૂપિયાની કમાણી કરી શકે છે.