દીપોત્સવ / અનોખી હશે આ વખતે અયોધ્યાની દિવાળી, વર્ચ્યુઅલ પૂજા, ડિજિટલ આતિશબાજી અને બીજું ઘણું બધું... 

• અયોધ્યામાં આ વખતે યોજાશે વર્ચ્યુઅલ દીપાવલી 
• આ વખતે પહેલી વાર યોજાશે ડિજિટલ આતિશબાજી 
• પીએમ મોદી અને મુખ્યમંત્રી યોગી પણ જોડાશે કાર્યક્રમમાં 

દિવાળી નિમિત્તે આ વખતે ઉત્તર પ્રદેશની યોગી સરકાર ભવ્ય ડિજિટલ દીપોત્સવ ઉજવવાની તૈયારી કરી રહી છે. કહેલાં પાંચસો વર્ષમાં આ પ્રથમ વાર હશે કે રામ જન્મભૂમિની સાઇટ પર દિવાળી યોજાશે, અને તેને ભવ્ય બનાવવા માટે ખૂબ જ મોટા પાયે તૈયારીઓ ચાલી રહી છે.  આ વખતે પહેલીવાર ડિજિટલ ફટાકડા ફોડવાનું આયોજન છે સાથે જ અયોધ્યામાં ભક્તોના માટે દીવડાઓ પ્રગટાવવાની વ્યવસ્થા પણ કરવામાં આવશે.

લેસર શો થકી ડિજિટલ આતિશબાજીનું આયોજન છે 

આ વખતે લેસર શો થકી સરયુ કિનારે ફટાકડા ફોડવામાં આવશે, સાથે જ યોગી સરકાર પ્રથમ વખત અયોધ્યામાં વર્ચુઅલ દીપોત્સવનું આયોજન કરશે. વર્ચુઅલ ફેસ્ટિવલ માટે ટૂંક સમયમાં નવી વેબસાઇટ પણ લોન્ચ કરવાનું આયોજન છે. આ વર્ચુઅલ તહેવાર જો કે વાસ્તવિક જેવુ જ લાગશે. તેની સાથે જ દીવો પ્રગટાવ્યા પછી આભાર પત્ર પણ પ્રાપ્ત થશે. આ અનોખો વર્ચુઅલ દીપોત્સવ પ્લેટફોર્મ વાસ્તવિક જેવો જ અનુભવ આપશે.

આ ડિજિટલ પોર્ટલ પર બેઠેલા શ્રીરામલલ્લાની તસ્વીર હશે. જેની સામે વર્ચુઅલ લેમ્પ પ્રગટાવવામાં આવશે. ભક્તો તેમની શ્રદ્ધાનુસાર માટી, તાંબા, સ્ટીલ અથવા કોઈ પણ  અન્ય ધાતુના દીપ સ્ટેન્ડને પસંદ કરી શકશે, સાથે જ સરસો અને તલના તેલનું વિકલ્પ પણ ઉપલબ્ધ કરાવવામાં આવશે. 

ભક્તોને આભાર પત્ર પણ આપવામાં આવશે

જો ભક્ત પુરુષ છે, તો પુરુષનો વર્ચુઅલ હાથ અને સ્ત્રી હશેતો સ્ત્રીના વર્ચુઅલ હાથથી દીપ પ્રજજ્વલિત થશે. દીપ પ્રગટાવ્યા બાદ ભક્તની વિગતોના આધારે રામલલ્લાની તસ્વીર સાથે મુખ્યમંત્રી યોગી આદિત્યનાથ દ્વારા આભાર પત્ર પણ આપવામાં આવશે. આ વેબસાઇટ 13 નવેમ્બરના રોજ પ્રસ્તાવિત મુખ્ય કાર્ય પહેલાં લોકો માટે ઉપલબ્ધ થશે.

વડાપ્રધાન મોદી પણ સામેલ થશે આ વર્ચ્યુઅલ આયોજનમાં 

આ વખતે વડા પ્રધાન નરેન્દ્ર મોદી પણ વર્ચ્યુઅલ રીતે દીપોત્સવમાં ભાગ લઈ રહ્યા છે. મુખ્યમંત્રી યોગી આદિત્યનાથ રામાયણની થીમ્સના આધારે બનાવાયેલા ટેબ્લોનું નિરીક્ષણ કરશે. તે જ સમયે પ્રભુ શ્રીરામ, સીતા માતા અને લક્ષ્મણજીની આરતી કરવાથી  ભગવાન શ્રીરામનો રાજ્યાભિષેક થશે. મુખ્યમંત્રી યોગી આદિત્યનાથ જન્મભૂમિ પરિસરમાં પણ શ્રી રામલલ્લાની આરતી કરશે.